1-августтан тарта Россиянын көмүрүн ЕБге импорттоого тыюу салынды

© Sputnik / Евгений Епанчинцев / Медиабанкка өтүүКөмүр жүктөлөн вагондор. Архив
Көмүр жүктөлөн вагондор. Архив - Sputnik Кыргызстан, 1920, 01.08.2022
Жазылуу
Мындай чара апрель айында кабыл алынган санкциянын бешинчи пакетине кирген.
БИШКЕК, 1-авг. — Sputnik. 1-августтан тарта россиялык көмүрдү Европа биримдигине (ЕБ) мүчө-мамлекеттерге ташууга толук тыюу салынды. Бул тууралуу РИА Новости жазды.
Белгилей кетсек, апрель айында Батыш мамлекеттери Россияга каршы санкциялардын бешинчи пакетин кабыл алган. Документте Россиядан көмүр алууну акырындык менен токтотуу, ал эми 1-августтан тарта толугу менен баш тартуу каралган.
Мындай чечим кабыл алынып жаткан учурда Россия көмүрүнүн ЕБге болгон импорту жылына 8 миллиард долларга бааланып жаткан. Энергетика министрлигинин маалыматына караганда, 2021-жылы ЕБге болгон жалпы экспорттун 21,8 пайызы (48,7 миллион тонна) Россияга туура келген. Ал эми 2020-жылкы көрсөткүч мындан көбүрөөк болгон (22 пайыз). Энергетика министри Николай Шульгиновдун айтымында, россиялык көмүр компанияларынын продукциясы санкциялык шартта башка альтернативдик рынокторго багыт алууда.
Европа болсо россиялык газды колдонууну азайтуу максатында электроэнергетика тармагындагы экологияга зыян ресурсту колдонууга өтүп жатат. Мисалы, Франция өлкөнүн түндүк-чыгыш тарабындагы "Сент-Авольд" көмүр электростанциясы кайра ишке кириши мүмкүн экенин жарыялады. Эл аралык энергетикалык агенттиктин (МЭА) эсеби боюнча, 2022-жылы Европа биримдигинде көмүр колдонуу жети пайызга өсөт.
Көмүр сактоо жайы. Архив - Sputnik Кыргызстан, 1920, 01.08.2022
Казакстан көмүрдү тышка ташууга тыюу салды. Себеби
Жаңылыктар түрмөгү
0