АКШлык журналист Байден Путинден эмнеге чочулаарын айтты

© Sputnik / Алексей Майшев / Медиабанкка өтүүРоссия президенти Владимир Путин
Россия президенти Владимир Путин  - Sputnik Кыргызстан, 1920, 23.07.2022
Жазылуу
Батыш өлкөлөрү Украинадагы атайын операциядан улам Россияга каршы санкцияларды киргизген. Путин Батыштын мындай чектөөлөрүнүн негизги максаты — миллиондогон адамдардын жашоосун начарлатуу деп эсептээрин айтып келет.
БИШКЕК, 23-июл. — Sputnik. Россия президенти Владимир Путин менен Кытайдын лидери Си Цзиньпин дээрлик Вашингтондун тышкы саясатын көзөмөлдөп турат. Бул тууралуу New York Post басылмасынын баяндамачысы Дуглас Мюррей жазып чыкты.
"Крымга байланыштуу иш-аракеттерден кийин Москва эл аралык аренада өз позицияларын бекемдеп, эми Батышка шарттарын коюп жатат. Ал эми Россия лидеринин Батыштын санкцияларына карата жообу АКШ президенти Жозеф Байденге тынчтык бербей келет. Негизи эле Путин кандай жооп берет деген коркуу сезими бизди бир топ кыйроолорго алып келет окшойт", — деди Мюррей.
Мындан тышкары, ал макаласында Кытайдын көз карандысыз жана НАТО менен эсептешпеген саясатына басым жасады.
Ошондой эле басылма Москвага каршы экономикалык согушта АКШ жеңилип калганын белгиледи.
"Владимир Путин Россияга каршы экономикалык чектөөлөр кимди кайсы жерге алып барарын жакшы түшүнөт. Ошондуктан алардан корккон эмес. Ал санкциялар энергиянын кымбатташына алып келерин да билген", — деп айтылат макалада.
АКШ менен ЕБ өлкөлөрү Украинадагы атайын операциядан улам Россияга каршы санкцияларды киргизген. Путин Батыштын мындай чектөөлөрүнүн негизги максаты — миллиондогон адамдардын жашоосун начарлатуу деп эсептейт.
Франциянын президенти Эммануэль Макрон жана америкалык кесиптеши Жо Байден - Sputnik Кыргызстан, 1920, 01.07.2022
ЖМК: Макрон "акылдан тайган" Байденди оюнан кайтарууга аракет кылууда
Жаңылыктар түрмөгү
0