Жанузаков: 2026-жылы калкты өсүмдүк майы менен 70-80 пайыз камсыздоо пландалууда
Жазылуу
Айыл чарба министрлигинин азык-түлүк коопсуздугу башкармалыгынын башчысы Данияр Жанузаков быйыл айыл чарба тармагын өнүктүрүүгө жалпы 26 миллиард сом каралганын эске салды.
Айыл чарба багытында тогуз кластер уюштурулду. Бул тууралуу Данияр Жанузаков Sputnik Кыргызстан радиосуна маек куруп жатып билдирди.
Жанузаков: 2026-жылы калкты өсүмдүк майы менен 70-80 пайыз камсыздоо пландалууда
Анын айтымында, мунун баары импорттон көз каранды болбогон деңгээлге жетүү максатында жасалууда.
"Азык-түлүк коопсуздугун камсыздоо максатында бир катар аракеттер көрүлүүдө. Алсак, айыл чарба тармагын өнүктүрүүгө, тактап айтканда, дыйкандарды сапаттуу үрөн, техника, жер семирткич менен камсыздоо жана малды асылдандырууга 26 миллиард сом каралды. Учурда оруп-жыюу иштери башталып, түшүм жакшы болуп жатат деп айтууга болот. Сүт, эт, буудай, картошка, мөмө-жемиштер, өсүмдүк май, жумуртка жана кант боюнча тогуз кластер уюштурулду. Булар майда товардуулук көйгөйүн чечип, ички керектөөнү камсыздап, андан тышкары экспорттук потенциалды жогорулатууга багытталган. Алсак, 2026-жылга чейин өсүмдүк майы менен өзүбүздү 70-80 пайыз камсыздоо приоритети коюлууда. Ошондой эле кант кызылчасы боюнча иш алып барып жатабыз", — деди Жанузаков.
Ал учурда Кыргызстан картошка, сүт жана мөмө-жемиштерди экспортко чыгарып жатканын кошумчалады.
