https://sputnik.kg/20220713/zhon-bolton-mamlekettik-tonkorushtordu-zhasoogo-katyshkanyn-aytty-1066040314.html
Трамптын экс-кеңешчиси мамлекеттик төңкөрүш жасоого катышканын моюндады
Трамптын экс-кеңешчиси мамлекеттик төңкөрүш жасоого катышканын моюндады
Sputnik Кыргызстан
Болтондун "ыймандай сырынан" кийин РФ ТИМинин расмий өкүлү Мария Захарова айтылгандарды териштирүү керектигин белгиледи. 13.07.2022, Sputnik Кыргызстан
2022-07-13T14:58+0600
2022-07-13T14:58+0600
2022-07-13T15:35+0600
дүйнөдө
акш
мамлекеттик төңкөрүш
интервью
жон болтон
https://sputnik.kg/img/07e6/07/0d/1066038135_0:152:3172:1936_1920x0_80_0_0_6ca2453d0bb5e931af3a6ebb193efcd3.jpg
БИШКЕК, 13-июл. — Sputnik. АКШ президентинин улуттук коопсуздук боюнча мурдагы кеңешчиси Жон Болтон буга чейин дүйнөнүн башка өлкөлөрүндө мамлекеттик төңкөрүштөрдү уюштурууга катышкандыгын CNN телеканалына маек куруп жатканда айткан. Бул тууралуу РИА Новости жазды.Болтон журналист Жейк Таппер менен сүйлөшүп жатканда андай иштердин түйшүктүү экенин белгилеген.Журналист Таппер АКШнын мурдагы президенти жана Болтондун жетекчиси Дональд Трамптын тарапташтарынын Капитолияны басып алуу максатындагы январдагы окуясына комментарий берип жатып, мамлекеттик төңкөрүштү даярдоо үчүн "анча деле акылдуу болуштун кереги жоктугун" айткан.Муну менен катар эле Капитолиядагы ал окуя мындай даярдыктын үлгүсү эместигин белгилеген."Ал (Трамп) бир идеядан экинчи идеяга секире берип, жыйынтыгында Капитолийдеги нааразылыкка чыккандарды түшүрүп салды", — деп кошумчалаган АКШнын улуттук коопсуздук боюнча экс-кеңешчиси.Трамптын администрациясы менен мамлекет башчынын ортосунда пикир келишпестик көп болгондугун ошол кездеги лидер өзү эл алдында көп эле айтып келген. Трамп ыйгарым укуктары бүтөрүнө аз калганда Болтонду кызматынан бошоткон. Мурда АКШнын БУУдагы ыйгарым укуктуу өкүлү жана мамлекеттик катчынын кеңешчиси болгон Болтонду Америкадагы сырткы саясаттын келишпес "карчыга куштарынын" бири деп атап келишкен.Россия ТИМинин комментарийиБолтондун мындай "ыймандай сырынан" кийин РФ ТИМинин расмий өкүлү Мария Захарова бул аткаминердин ички сырын төккөн жаңы ачылышы экендигин айтып, айтылгандарды териштирүү керектигин белгиледи.ТИМ өкүлү мындай билдирүү "албетте, реакцияларды" жана "мындан аркы териштирүүлөрдү талап кыларын" айтты."Себеби АКШнын дүйнөнүн кайсы өлкөсүндө, жер шарынын кайсы жеринде мамлекеттик төңкөрүштөрдү уюштурганын билүү маанилүү", — деген дипломат.
https://sputnik.kg/20220621/askar-akaev-tonkorysh-aksh-uyushturuu-zhoogazyn-revolyuciyasy-1065419022.html
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, мамлекеттик төңкөрүш, интервью, жон болтон
дүйнөдө, акш, мамлекеттик төңкөрүш, интервью, жон болтон
Трамптын экс-кеңешчиси мамлекеттик төңкөрүш жасоого катышканын моюндады
14:58 13.07.2022 (Жаңыртылды: 15:35 13.07.2022) Болтондун "ыймандай сырынан" кийин РФ ТИМинин расмий өкүлү Мария Захарова айтылгандарды териштирүү керектигин белгиледи.
БИШКЕК, 13-июл. — Sputnik. АКШ президентинин улуттук коопсуздук боюнча мурдагы кеңешчиси Жон Болтон буга чейин дүйнөнүн башка өлкөлөрүндө мамлекеттик төңкөрүштөрдү уюштурууга катышкандыгын CNN телеканалына маек куруп жатканда айткан. Бул тууралуу
РИА Новости жазды.
Болтон журналист Жейк Таппер менен сүйлөшүп жатканда андай иштердин түйшүктүү экенин белгилеген.
Журналист Таппер АКШнын мурдагы президенти жана Болтондун жетекчиси Дональд Трамптын тарапташтарынын Капитолияны басып алуу максатындагы январдагы окуясына комментарий берип жатып, мамлекеттик төңкөрүштү даярдоо үчүн "анча деле акылдуу болуштун кереги жоктугун" айткан.
"Мамлекеттик төңкөрүштү бул жерде эмес, дүйнөнүн башка тарабында пландоого жардам берген адам катары, мен буга макул эмесмин. Буга көп эмгек керек", — деген Болтон.
Муну менен катар эле Капитолиядагы ал окуя мындай даярдыктын үлгүсү эместигин белгилеген.
"Ал (Трамп) бир идеядан экинчи идеяга секире берип, жыйынтыгында Капитолийдеги нааразылыкка чыккандарды түшүрүп салды", — деп кошумчалаган АКШнын улуттук коопсуздук боюнча экс-кеңешчиси.
Трамптын администрациясы менен мамлекет башчынын ортосунда пикир келишпестик көп болгондугун ошол кездеги лидер өзү эл алдында көп эле айтып келген. Трамп ыйгарым укуктары бүтөрүнө аз калганда Болтонду кызматынан бошоткон. Мурда АКШнын БУУдагы ыйгарым укуктуу өкүлү жана мамлекеттик катчынын кеңешчиси болгон Болтонду Америкадагы сырткы саясаттын келишпес "карчыга куштарынын" бири деп атап келишкен.
Россия ТИМинин комментарийи
Болтондун мындай "ыймандай сырынан" кийин РФ ТИМинин расмий өкүлү Мария Захарова бул аткаминердин ички сырын төккөн жаңы ачылышы экендигин айтып, айтылгандарды териштирүү керектигин белгиледи.
"Жогорку кызматты ээлеп жана АКШнын эл аралык саясатына түздөн-түз жооптуу болгон адамдын ачык эле башка өлкөлөрдө мамлекеттик төңкөрүштөрдү даярдоого катышкандыгын айткан башкалардын учурун эстей албай турам. Алар мурда айтып, сайрап келгендей "демократиялык күчтөрдү" колдоо, демократияны, плюрализм жана башкаларды өнүктүрүү үчүн эмес экени дагы бир ирет белгилүү болду. Майын чыгарып, көркүнө келтирип, бети чымырабастан, көп жыл бою ар кыл президенттин учурунда чет өлкөлөрдө мамлекеттик төңкөрүштөрдү пландоо боюнча иштеп келгенин айтты, мындайды мурда көргөн эмесмин", — деди Захарова Sputnik радиосуна.
ТИМ өкүлү мындай билдирүү "албетте, реакцияларды" жана "мындан аркы териштирүүлөрдү талап кыларын" айтты.
"Себеби АКШнын дүйнөнүн кайсы өлкөсүндө, жер шарынын кайсы жеринде мамлекеттик төңкөрүштөрдү уюштурганын билүү маанилүү", — деген дипломат.
