Казакстанда финансылык пирамиданы жарнама кылгандар мыйзам менен жазаланат

© Sputnik / Стрингер / Медиабанкка өтүүТенге купюралары. Архив
Тенге купюралары. Архив - Sputnik Кыргызстан, 1920, 12.07.2022
Жазылуу
Буга чейин депутаттардын бири шоу-бизнестин өкүлдөрү менен белгилүү блогерлер казакстандыктарды массалык түрдө финансылык жана инвестициялык пирамидаларга тартып жатканын билдирген.
БИШКЕК, 12-июл. — Sputnik. Казакстандын президенти Касым-Жомарт Токаев финансылык пирамидалар боюнча административдик эреже бузуулар жөнүндөгү кодекске өзгөртүү киргизүү тууралуу мыйзамга кол койду.
Sputnik Казакстан жазганына караганда, мыйзам финансылык жана инвестициялык пирамидаларды жарнамалоого тыюу салат.
Буга чейин Мажилистин депутаты Юрий Ли пленардык жыйын учурунда финансылык пирамидалар боюнча көйгөй республикада актуалдуу болуп жатканын белгилеген. Ал ошондой эле шоу-бизнестин өкүлдөрү менен белгилүү блогерлер казакстандыктарды массалык түрдө финансылык жана инвестициялык пирамидаларга тартып жатканын кошумчалаган.
Укук коргоо органдары жарандарды шек санаткан уюмдарга акчасын ишенип бербөөгө чакырууда.
"Бир катар мыйзам актыларына финансылык жана инвестициялык пирамидаларды жарнамалагандарды кылмыш жоопкерчилигине тартуу боюнча өзгөртүүлөрдү киргизүү каралууда", — деген Ли.
Ал ошондой эле мыйзамга өзгөртүү киргенден кийин блогерлер менен вайнерлер жарнамага жоопкерчиликтүү мамиле жасай турганына ишенерин кошумчалаган.
"2017-берененин 1-бөлүгү боюнча эреже бузгандар алты миллион теңге (1 миллион сом — ред.) айыпка жыгылып же 600 сааттык коомдук ишке тартылуу менен эки жылга эркинен ажыратылышы мүмкүн. Ал эми 4-бөлүк боюнча кылмыш жоопкерчилигине тартылган адам үч жылдан жети жылга чейин кесилип, мүлкү конфискацияланат", — деп билдирген парламентарий.
Эске салсак, казакстандык популярдуу вайнерлер Мейржан Туребаев менен Мейрхан Шерниязов апрель айында камакка алынган. Алар Mudarabah Capital деген финансылык пирамида түзүүгө айыпталып жатышат.
Кыргызстанда дагы акыркы кезде көп сандаган финансылык пирамидалар аныкталууда.
Турак жай. Архив - Sputnik Кыргызстан, 1920, 12.07.2022
"Ихсандын" мүлкү, эсеби камакка алынды. Милиция жабыркагандарды издеп жатат
Жаңылыктар түрмөгү
0