Кыргызстандан чыгарылган акчанын суммасы 2 айдан бери рекорд жаратууда

© Photo / Pexels / cottonbroАКШ долларлар эсептөөчү машинада. Иллюстративдик сүрөт
АКШ долларлар эсептөөчү машинада. Иллюстративдик сүрөт - Sputnik Кыргызстан, 1920, 09.07.2022
Жазылуу
Yandex newsTelegram
2005-жылдан берки статистикага анализ жүргүзгөндө эң көп сумма чыгууда.
БИШКЕК, 9-июл. — Sputnik. Май айында Кыргызстандан чыгарылган каражаттын суммасы 85,5 миллион долларга жетти. Бул туурасында Улуттук банк билдирди.
Кеп жеке жактардын акча которуу системы аркылуу жөнөткөн транзакциялары тууралуу болууда.
Эгер 2005-жылдан берки статистикага анализ жүргүзө турган болсок (Улуттук банк дал ушул жылдан бери мониторинг жүргүзөт), бул сумма рекорд жаратты.
Мурдагы рекорд үстүбүздөгү жылдын апрель айында болуп 79,7 миллион долларды түзгөн эле.
Мурда өлкөдөн чыгарылган каражаттын көлөмү алда канча аз болчу, мисалы, 2019-жылы декабрда эң жогорку көрсөткүч 61,2 миллион долларды түзгөн.
Сыртка чыгарылган каражаттын көпчүлүк бөлүгү алыскы чет өлкөлөргө которулууда. Эгер ал транзакциялар апрелде 5 миллион долларды түзсө, майда 4,4 миллион болду. Адатта ал жакка айына бир миллионго жетпеген сумма жөнөтүлчү.
Белгилей кетсек, өлкөгө сырттан келген каражат быйылкы жылдын майында 257,7 миллион доллар деп бааланууда. Бул жогорку көрсөткүч, бирок рекорддук деп саналбайт.
АКШ доллар купюралары. Архив - Sputnik Кыргызстан, 1920, 21.06.2022
Мигранттар январь-апрель айында Кыргызстанга 773,1 млн. доллар жөнөттү
Жаңылыктар түрмөгү
0