Жапаров Түркиянын спикерине ФЕТӨ боюнча кандай жооп бергени айтылды

© Пресс-служба президента КР / Султан ДосалиевПрезидент Садыр Жапаровдун Түркия парламентинин төрагасы Мустафа Шентоп менен жолугушуусу
Президент Садыр Жапаровдун Түркия парламентинин төрагасы Мустафа Шентоп менен жолугушуусу  - Sputnik Кыргызстан, 1920, 28.06.2022
Жазылуу
Yandex newsTelegram
Буга чейин ЖМКлар түрк парламентарийи Кыргызстандан ФЕТӨ уюмунун ишмердүүлүгүн токтотууну талап кылганын жазышкан.
БИШКЕК, 28-июн. — Sputnik. Президенттин администрациясынын тышкы саясат бөлүмүнүн башчысы Муратбек Азимбакиев президент Садыр Жапаровдун Түркия парламентинин төрагасы Мустафа Шентоп менен жолугушуусу боюнча айтылган кепке комментарий берди.
Буга чейин ЖМКлар жолугушууда Шентоп Жапаровдон Кыргызстанда ФЕТӨ уюмунун ишмердүүлүгүн токтотууну талап кылганын жазышкан. Кыргыз ЖМКлары жана социалдык тармактын колдонуучулары бул маалыматты түрк бийлигинин Кыргызстанга жасаган басымы катары кабылдады.

"Жолугушууда түрк тарап ФЕТӨ уюмунун ишмердүүлүгү жөнүндө маселени жалпысынан козгоду, анын ичинде Кыргызстандагы да айтылды. Бул маселе Түркиянын ички иши экенин эске алып, кыргыз тарап аны эки өлкөнүн укук коргоо органдарынын өз ара иштешүүсүнүн алкагында талкуулоо зарылдыгын белгиледи", — деди Азимбакиев.

Ошондой эле ал Түркиянын Улуу Улуттук Жыйынынын төрагасы Мустафа Шентоп Кыргызстанга ТүркПАнын жыйынына катышуу үчүн келгенине көңүл бурууга чакырды.
Ал эми Жапаров менен болгон жолугушуусунда Кыргызстан менен Түркиянын ортосундагы эки тараптуу кызматташуунун, анын ичинде парламенттер аралык мамиле жана келечеги талкууланганын белгиледи.
Анкара ФЕТӨнү террордук уюм деп эсептеп, 2016-жылы жайында мамлекеттик төңкөрүш жасоо аракетине айыптап келет. Бул кыймылдын негиздөөчүсү — диний ишмер Фетхуллах Гүлен. Ал түрк бийлигинин айыптоосун четке кагып жүрөт.
Түркиянын Улуу жыйынынын төрагасы Мустафа Шентоп ТүркПАнын жыйыны учурунда - Sputnik Кыргызстан, 1920, 24.06.2022
Түркиянын спикери түрк мамлекеттерин гүленчилерге каршы турууга чакырды
Жаңылыктар түрмөгү
0