https://sputnik.kg/20220627/kyrgyz-turk-manas-universiteti-1065616341.html

Кыргыз-түрк "Манас" университетине кантип өтүүгө болот?

Кыргыз-түрк "Манас" университетине кантип өтүүгө болот?

Sputnik Кыргызстан

Жакында Кыргыз-түрк "Манас" университетинде жаңы окуу жылына карата абитуриенттер кабыл алына баштайт. Бул материалда "Манас" университетине окууга тапшыруунун... 27.06.2022, Sputnik Кыргызстан

2022-06-27T20:16+0600

2022-06-27T20:16+0600

2022-06-27T20:45+0600

кыргызстан

жож

кыргыз-түрк "манас" университети

https://sputnik.kg/img/07e6/06/18/1065541142_0:2:900:508_1920x0_80_0_0_2924ad060b64df123854c93ae61a25c5.jpg

Sputnik Кыргызстан агенттиги абитуриенттерге жардам иретинде Кыргыз-түрк "Манас" университети тууралуу бардык маалыматтарды чогултту."Манас" университетинде окуу акысыз. Ага университеттин өзүнүн (ички) экзамендерин же Жалпы республикалык тестирлөөнүн жыйынтыгы (ЖРТ) менен тапшырууга болот."Манас" университетинин ички экзамендеринин жыйынтыгы менен кантип тапшырууга болот?Керектүү документтерди чогултуу керек (тизме төмөндө).Порталга катталуу учурунда экзаменге (жалпы тестирлөө) "Демир Кыргыз Интернэшнл Банкынын" (Кыргыз) бардык бөлүмдөрүнө же башка банктык карточкалар менен (Visa, MasterCard, "Элкарт") 500 сом төлөйсүз. Дүмүрчөктө (квитанция) абитуриенттин аты-жөнү сөзсүз көрсөтүлүшү керек.4-июлдан 8-июлга чейин шилтеме менен кирип катталасыз (башка шилтемелер иштебейт).Документтердин топтомун жана тестирлөөгө акча төлөнгөндүгүн тастыктаган дүмүрчөктү кошо тиркейсиз.Тийиштүү документтерди текшерген соң датасын жана өтө турган жерин көрсөткөн экзамендик баракча берилет. Ал баракчанын көчүрмөсүн экзаменге кошо ала келүү керек. Паспортуңузду да алып алыңыз.Катталуу үчүн кандай документтер керекСынак качан жана кантип өтөт?17-июлда саат 10:00дө жалпы тестирлөө, ал эми 14:30да англис тили боюнча тест башталат. Сынак жалпысынан 4-5 саатка созулат жана жалпы тестирлөөдө 120 суроо, англис тили боюнча 60 суроо берилет.ЖРТнын жыйынтыгы менен "Манас" университетине кантип тапшыруу керекЖРТ сертификатын алгандан кийин дароо шилтеме аркылуу КРдин Билим берүү жана илим министрлигинин порталына катталып, жеке профилди толтуруу керек.Порталда Кыргызстандагы бардык ЖОЖдорго байланыштуу керектүү маалыматтар камтылган. Анын жардамы менен окуу жайын, багытын, профилин тандап, жакынкы аралыкта Билим берүү жана илим министрлиги жарыялай турган тур-графигине ылайык ЖРТнын электрондук билетин тапшырышыңыз керек.Факультеттер жана багыттарГуманитардык факультет:Экономика жана башкаруу факультети:Инженердик факультет:Коммуникация факультети:Табигый илимдер факультети:Искусство факультети:Теология факультети:Ветеринардык факультет:Айыл чарба факультети:Спорт илими факультети:Туризм факультети:Медициналык факультет:"Манас" университети тууралуу маалыматБүгүн Кыргыз-түрк "Манас" университетинде 11 факультет, 41 кафедра, 85 лаборатория, өнөркана жана студия, 6 100 студент (алардын ичинен 895и чет элдик), 531 окутуучу (анын ичинен 187си чет элдик), орто-профессионалдык билим берүү жаатында 10 программа, бакалавриаттын 41 программасы, магистратуранын 27 программасы, докторантуранын 12 программасы, 3 библиотека, 5 окуу залы, 88 475 китеп, 9 576 бүтүрүүчү, 43 өлкөдөн жумушчулар, 1 380 орундуу студенттик жатакана, жабык спорт комплекси, кызыкчылыктарды камтыган 35 клуб, теннис корту, 2 баскетбол аянты, 2 футбол аянты, 2 жеңил атлетика жолу, фитнеске, күрөшкө, бокска, дзюдого, самбого жана тхэквондо ылайыкташкан залдар бар."Манас" университетинин тарыхыУниверситет 1995-жылы Кыргызстандын жана Түркиянын өкмөтүнүн келишиминин негизинде түзүлгөн. 1997-жылы алгач ирет 86 студент менен 39 окутуучуга эшигин ачкан. Билим берүү ишмердигин түркология, тарых, менеджмент жана компьютердик инженерия тармагында баштаган. Бүгүн студенттердин саны он эсеге өстү. Гуманитардык, так илимдер, экономика жана башкаруу, теология, коммуникация, инженердик, ветеринардык, айыл чарбасы жана искусство өңдүү факультеттер кошулду. Билим берүү процессине — дене тарбия жана спорт, туризм жана мейманкана иши, чет тилдери сыяктуу үч жогорку мектеп кошулду. Мындан тышкары, эки жылдык кесиптик-техникалык мектеби бар. ЖОЖдо 374 окутуучу жана 298 административдик чарба кызматкери эмгектенет.Кыргыз-түрк "Манас" университетинде окутуу түрк жана кыргыз тилдеринде жүргүзүлөт. Студенттерди алмашуучу эл аралык программалары жана чет өлкөдөн практика өтүү мүмкүнчүлүгү бар. Университеттин диплому Кыргызстанда, Түркияда жана башка алыскы чет өлкөлөрдө жарайт.КТУ "Манас" 2017-жылы Кыргызстандын социалдык-экономикалык, руханий жана интеллектуалдык потенциалына кошкон өзгөчө салымы үчүн "Достук" ордени менен сыйланган. Ошол эле жылы ЖОЖ КРдин Билим берүү жана илим министрлиги жана Clarivate Analytics уюму тарабынан Web of Science Awards сыйлыгына ээ болгон.Өткөн жылы "Манас" университети Quacquarelli Symonds версиясы боюнча дүйнөнүн 1 422 мыкты университеттеринин рейтингинде 801 орунду ээлеп, тизмеге кирген Кыргызстандагы биринчи университет болуп калган.КТУ "Манастын" ректору — профессор Aлпаслан Жейлан.Дареги жана байланыш телефондору:

https://sputnik.kg/20220624/ehl-aralyk-ala-too-universiteti-1065552304.html

2022

Жаңылыктар

kg_KG

кыргызстан, жож, кыргыз-түрк "манас" университети