Радиостудия Sputnik Кыргызстан в Бишкеке - Sputnik Кыргызстан, 1920
Радио

Мураталиев: кыргыз тайганын ЮНЕСКОго каттатуу пландалууда

© Sputnik / Табылды КадырбековРуководитель проекта "Кыргызский тайган" Болот Мураталиев
Руководитель проекта Кыргызский тайган Болот Мураталиев - Sputnik Кыргызстан, 1920, 22.06.2022
Жазылуу
Yandex newsTelegram
Республикалык "Кыргыз тайган" долбоорунун жетекчиси Болот Мураталиев 2019-жылдан тарта кыргыз тайганын сактап калуу, көбөйтүүгө республикалык деңгээлде көңүл бурула баштаганын айтты.
2019-жылы тайганды коргоо, сүрөөгө алуу боюнча өкмөттүк иш планы бекитилген. Аны аткаруу үчүн 10-15тей ведомстволор аралык жумушчу топ түзүлгөн. Аталган топ 2021-жылга чейин өз ишмердүүлүгүн жүргүзүп, жыйынтыгында кыргыз тайганы мурастык дөөлөттөр тизмесине кирди. Бул тууралуу Болот Мураталиев Sputnik Кыргызстан радиосунун эфиринде маек куруп жатып билдирди.
Мураталиев: кыргыз тайганын ЮНЕСКОго каттатуу пландалууда
Анын айтымында, 2021-жылдан тарта жылына бир жолу кыргыз тайганын пропагандалоо максатында эл аралык фестиваль өткөрүлүп келет.
"2019-жылга чейин тайганды сүрөөгө алуу иштери менен атайын кызыккандар жана коомдук уюмдар гана алектенип келишкен. Ушул жылы маселе өкмөттүк деңгээлде каралып, ведомстволор аралык жумушчу топ түзүлүп, көптөгөн иштер аткарылды. Жыйынтыгында кыргыз тайганы улуттук дөөлөт катары республикалык тизмеге кирип калды. Ал эми 2021-жылдан бери Токтогул районунда жылына бир жолу атайын фестиваль уюштурулат. Ал жакка Россиядан да келишет. Фестивалдын максаты — кыргыз тайганын жайылтуу, ал тууралуу маалымат берүү. Анткени нукура кыргыз тайганы жоголуп кетүү коркунучуна кептелген. Учурда багылып жаткан тайгандардын баарын эле таза кандуу деп атоого болбойт. Советтер Союзу учурунда Токтогул районунан Каракуш деген тайган чыгып, ал көптөгөн жарыштарда жеңишке жеткен. Ошол үчүн кыргыз тайганы дүйнөгө "Каракуш" деген ат менен тарап кеткен. Ал тайган Токтогул районунун Арал айылынан чыккандыктан фестиваль ушул жерде уюштурулуп келет. Каракуштун мекени Токтогул району болсо, тайгандын мекени Кыргызстан да. Биз дүйнөгө тайганды мына ушундай өңүттө таанытышыбыз керек. Ошондуктан учурда ЮНЕСКОнун материалдык эмес баалуулуктар тизмесине каттатканга далалаттанып жатабыз", — деди Мураталиев.
Ал учурда аргындашпаган таза кыргыз тайганын көбөйтүү маселеси курч турганын кошумчалады.
Жаңылыктар түрмөгү
0