Садыр Жапаров сырттагы видеокөзөмөл боюнча мыйзамга кол койду

© Sputnik / Кирилл Каллиников / Фотобанкка өтүүВидеокөзөмөл камерасы. Архив
Видеокөзөмөл камерасы. Архив - Sputnik Кыргызстан, 1920, 22.06.2022
Жазылуу
Yandex newsTelegram
Мыйзамга киргизилген өзгөртүүлөр өлкөдө кылмыштуулуктун алдын алуу жана ага каршы күрөшүү боюнча кошумча чараларды түзүүгө мүмкүндүк берет.
БИШКЕК, 22-июнь. - Sputnik. Президент Садыр Жапаров “Сырткы видеобайкоо жөнүндө" мыйзамга өзгөртүүлөрдү киргизүү тууралуу” мыйзамга кол койду. Бул тууралуу өлкө башчынын маалымат кызматы билдирди.
Мыйзамды Жогорку Кеңеш 11-майда кабыл алган. Бул республиканын бардык аймагында тышкы видеокөзөмөл системасы менен жабдылган объектилерди иштеткен юридикалык жана жеке жактарга тиешелүү.
Басма сөз кызматы билдиргендей, видеокөзөмөл боюнча мыйзамга өзгөртүү киргизүү менен өлкөдө кылмыштуулуктун алдын алуу, ага каршы күрөшүүгө жана коомдук коопсуздукту камсыздоого жардам берет.
Жергиликтүү кеңештер жергиликтүү өз алдынча башкаруунун аткаруу органдарынын сунушу боюнча тышкы видеобайкоо тутумдарын орнотууга тийиш болгон уюмдардын, ишканалардын жана мекемелердин объектилеринин тизмесин бекитет.
Президент Садыр Жапаровдун акыйкатчы Атыр Абдрахматова менен жолугушуу учурунда - Sputnik Кыргызстан, 1920, 22.06.2022
Жапаров акыйкатчы Абдрахматованы кабыл алды. Эмне сөз болду
Жаңылыктар түрмөгү
0