Психолог: ызы-чуусу көп коңшулар ден соолукка залакасын тийгизиши мүмкүн

© Фото / Pexels / Julia LarsonМайрамдап жаткан кыздар. Архив
Майрамдап жаткан кыздар. Архив - Sputnik Кыргызстан, 1920, 20.06.2022
Жазылуу
Yandex newsTelegram
Психологиялык абалын бир калыпта кармайм деген киши күнүнө жок дегенде бир саат унчукпай, тынчтыкта отурушу керек.
БИШКЕК, 20-июн. —Sputnik. Ашыкча ызы-чуусу көп кошуналар депрессияга жана паникага алып келиши мүмкүн. Бул тууралуу психолог Ксения Левинага шилтеме берип РИА Новости жазды.
"Психологиялык абалын бир калыпта кармайм деген киши күнүнө жок дегенде бир саат унчукпай, ызы-чуусу жок отурушу керек. Бул нерсе адамдын жалпы акыбалына, өзгөчө уйкусуна жакшы таасир этет", — деди Левина.
70 децибелден ашып (чаң соргучтун үнүндөй), бат-баттан кайталанып турган чуу депрессия, невроз же паника сыяктуу психологиялык ооруларды козгойт. Ал эми бул илдеттер иммунитетти түшүрүп, бара-бара аутоиммундук жана онкологиялык оорулардын өнүгүшүнө алып келиши мүмкүн.
Андыктан адистер чуусу көп жайлардан же тынчтык бербеген коңшулардан оолагыраак болууну сунуштайт.
Кыз төшөктө отурат. Иллюстративдик сүрөт - Sputnik Кыргызстан, 1920, 19.06.2022
Коронавирус менен ооругандар уйкуну кантип жөнгө салса болот? Адистин кеңеши
Жаңылыктар түрмөгү
0