Өмүрүнүн 70 жылын музыкага арнаган. Маэстро Асанкан Жумакматовдун сүрөттөрү
Өмүрүнүн 70 жылын музыкага арнаган. Маэстро Асанкан Жумакматовдун сүрөттөрү
Sputnik Кыргызстан
Бүгүн — СССРдин эл артисти, атактуу дирижёр Асанкан Жумакматовдун туулган күнү. Маэстро мындан 99 жыл мурун жарык дүйнөгө келген. 16.06.2022, Sputnik Кыргызстан
Sputnik Кыргызстан агенттиги залкар инсандын сүрөттө калган ирмемдерин сунуштайт.Асанкан Жумакматов 1923-жылы 16-июлда Чүй облусунун Ысык-Ата айылында жарык дүйнөгө келген. Үч жашка чыкканда атасы бай-манап делип камалып, Сибирге сүргүнгө айдалган. Алты жашында бир тууган агасы жана энеси менен Украинага жөнөтүлүп, сегиз жыл бөтөн жерде атасыз күн кечирген. Ошол жылдары болочоктогу дирижер тил үйрөнүп, музыкага жакындаган.16 жашында Кыргызстанга кайтып келип борбор калаадагы педагогикалык техникумга тапшырган. Бирок музыка дүйнөсү тынчтык бербей, ал жакта бир жылдай эле билим алган. Андан соң музыкалык драма театрына ишке кирип, 17 жашында фронтко аттанып, Сталинграддагы беттеште катуу жаракат алып кайра мекенине кайтып келген.Кийинки жылдары дирижёрлук студияны артыкчылык менен аяктап Опера жана балет театрында, Карамолдо Орозов атындагы эл аспаптар оркестринде эмгектенген.КРдин эл артисти чыгармачылыгында "Токтогул", "Жамийла", "Дон Карлос", "Ромео жана Жульетта" өңдүү 50дөн ашык опера жана балеттерди оркестрлештирип, Болот Миңжылкыев, Кайыргүл Сартбаева, Токтоналы Сейталиев, Дарика Жалгасынова жана Керим Турапов өңдүү бир топ аткаруучуларга жол көрсөткөн. Өмүрүнүн 70 жылын музыкага арнаган профессор 2008-жылдын 21-июлунда 85 жаш курагында дүйнө салган.Тема боюнча:
Бүгүн — СССРдин эл артисти, атактуу дирижёр Асанкан Жумакматовдун туулган күнү. Маэстро мындан 99 жыл мурун жарык дүйнөгө келген.
Sputnik Кыргызстан агенттиги залкар инсандын сүрөттө калган ирмемдерин сунуштайт.
Асанкан Жумакматов 1923-жылы 16-июлда Чүй облусунун Ысык-Ата айылында жарык дүйнөгө келген. Үч жашка чыкканда атасы бай-манап делип камалып, Сибирге сүргүнгө айдалган. Алты жашында бир тууган агасы жана энеси менен Украинага жөнөтүлүп, сегиз жыл бөтөн жерде атасыз күн кечирген. Ошол жылдары болочоктогу дирижер тил үйрөнүп, музыкага жакындаган.
16 жашында Кыргызстанга кайтып келип борбор калаадагы педагогикалык техникумга тапшырган. Бирок музыка дүйнөсү тынчтык бербей, ал жакта бир жылдай эле билим алган. Андан соң музыкалык драма театрына ишке кирип, 17 жашында фронтко аттанып, Сталинграддагы беттеште катуу жаракат алып кайра мекенине кайтып келген.
Кийинки жылдары дирижёрлук студияны артыкчылык менен аяктап Опера жана балет театрында, Карамолдо Орозов атындагы эл аспаптар оркестринде эмгектенген.
КРдин эл артисти чыгармачылыгында "Токтогул", "Жамийла", "Дон Карлос", "Ромео жана Жульетта" өңдүү 50дөн ашык опера жана балеттерди оркестрлештирип, Болот Миңжылкыев, Кайыргүл Сартбаева, Токтоналы Сейталиев, Дарика Жалгасынова жана Керим Турапов өңдүү бир топ аткаруучуларга жол көрсөткөн. Өмүрүнүн 70 жылын музыкага арнаган профессор 2008-жылдын 21-июлунда 85 жаш курагында дүйнө салган.
Замандаштары менен Эмгек Кызыл Туу орденин алган учур. Окмуштуу Курмангалы Каракеев, мамлекеттик, коомдук ишмер Зууракан Иманкалыкова, атактуу хирург Иса Ахунбаев, скульптор Тургунбай Садыков жана дирижер Асанкан Жумакматов.
![Борбор калаанын "Ала-Тоо" аянтында оркестрди жетектеген залкар - Sputnik Кыргызстан](https://sputnik.kg/img/07e6/06/10/1065301145_0:0:2048:1254_600x0_80_0_1_8c65a45e35c078ca6b5481144567182a.jpg "Борбор калаанын "Ала-Тоо" аянтында оркестрди жетектеген залкар")
