РКӨФ Кыргызстанда бизнес жасоонун артыкчылыктарын санады
15:23 14.06.2022 (Жаңыртылды: 13:47 31.10.2023)
Жазылуу
Кыргызстанга россиялык компаниялардын өкүлдөрү келип, жыйын өтүп жатат.
БИШКЕК, 14-июн. — Sputnik. Россия-Кыргыз өнүктүрүү фондунун башкаруучулугунун мүчөсү Бакыт Курманбеков Кыргызстанда бизнес жасоонун артыкчылыктары тууралуу презентация жасады.
Эске салсак, Кыргызстанга россиялык компаниялардын көп тармактуу эл аралык ишкерлик миссиясы келген. Анын алкагында жыйын өтүп жатат.
Презентацияда айтылган артыкчылыктар:
Либералдык валюталык режим;
ЕАЭБдин алкагында бажы тоскоолдуктарынын жоктугу;
Республиканын Дүйнөлүк соода уюмуна болгон мүчөлүгү;
Европа биримдиги менен соода-сатык жүргүзүүдөгү атайын льготалык режим (ВСП+). Мында товарлардын 6 200 түрү бажы алымынан бошотулган;
29 мамлекет менен кош салыктан баш тартуу боюнча келишим, анын ичинде Европа биримдигине мүчө-өлкөлөр бар;
32 мамлекет менен инвестицияны коргоо жана колдоо боюнча келишим, анын ичинде Европа биримдигине мүчө-өлкөлөр бар;
Эркин экономикалык аймактын (ЭЭА) болушу (мүлк менен жерге киреше салыгынын жоктугу, ЭЭАнын аймагына кирген сырье менен жабдыктарына бажы алымы алынбайт);
Төмөнкү салык ставкалары (КНС — 12 пайыз жана пайда салыгы менен киреше салыгы 10 пайыздан);
Электр энергияга болгон баанын төмөндүгү.
