WSJ: Россиядан кеткен эл аралык компаниялар 59 млрд. доллардан кур жалак калышты

© Sputnik / Евгений Одиноков / Медиабанкка өтүүМосквадагы ЦУМда жабылган Prada дүкөнү. Архивдик сүрөт
Москвадагы ЦУМда жабылган Prada дүкөнү. Архивдик сүрөт - Sputnik Кыргызстан, 1920, 11.06.2022
Жазылуу
Экспертин айтымында, убакыттын өтүшү менен компаниялардын жоготуусу мындан да көп болот.
БИШКЕК, 11-июн. — Sputnik. Россиядан кеткен эл аралык компаниялар санкциялардан улам 59 миллиард доллардан кол жууган. Мындай жыйынтыкка Wall Street Journal гезити финансылык документтерди карап чыгып келди.
Эл аралык компаниялардын басымдуу бөлүгү Россия аймагындагы ишмердүүлүгүн толугу менен же жарым-жартылай токтоткон. Экономиканын алсызданышынан жана жергиликтүү кардарлардын азайганынан улам россиялык активдеринин баасы төмөндөп кеткен. Бул ишкерлерди чыгашага учураткан.
Мисалы, Россиядагы бизнесин саткандан кийин McDonald's түйүнүнүн бухгалтердик чыгымы эле 1,2-1,4 миллиард долларды түзөрү айтылууда. Ал эми нефтегаз жаатындагы ExxonMobil компаниясы ишмердүүлүгүн токтоткон соң 3,4 миллиард долларлык чыгымга учураган. Сыра чыгарган Anheuser-Busch InBev SA компаниясы чогуу иштеген AB InBev Efes ишканасы менен ажырашкандан кийин 1,1 миллиард доллар зыян тартканы маалым болду.
Kroll LLC компаниясынын консалтинг боюнча директору Карла Нюнстун айтымында, убакыттын өтүшү менен аталган компаниялардын жоготуусу мындан да көп болот.
Буудай жыйноо иштери. Архив - Sputnik Кыргызстан, 1920, 08.06.2022
АКШда күйүүчү май кымбаттап фермерлердин чөнтөгүн жукартууда
Жаңылыктар түрмөгү
0