Жеңилдетилген ипотека алууну каалагандар кайда кайрылса болот? Телефондор

© Sputnik / Виталий Белоусов / Медиабанкка өтүүБатир бөлмөсү. Архив
Батир бөлмөсү. Архив - Sputnik Кыргызстан, 1920, 31.05.2022
Жазылуу
"Ак-Босого" компаниясынын 8 пайыздык ипотекасын Кыргызстандын бардык жарандары ала алат. Бирок шарттары бар.
БИШКЕК, 31-май — Sputnik. "Ак-Босого" турак жай-сактык, кредиттик компаниясынын жетекчиси Айзада Усупова аталган компаниянын жеңилдетилген ипотекасын кимдер ала аларын жана ал үчүн кайда кайрылышы керектигин түшүндүрдү.
Адистин айтымында, "Ак-Босого"компаниясынын 8 пайыздык ипотекасын Кыргызстандын бардык жарандары ала алат.
"Жеңилдетилген ипотека алам деген киши алдын ала депозит ачып, үч жыл акча топтошу шарт. Анүчүн паспорт гана керек. Ал мамлекеттик кызматта иштейби, ишкерби, 3-4 үйү барбы, чет жакта жашайбы, айырмасы жок, ипотека бардык каалоочуларга берилет. Анан Кыргызстандын жараны болушу зарыл. Алгач кардар менен турак жай аманатын ачуу боюнча келишим түзүлөт. Ага ылайык, депозит ачкан адам келишимде көрсөтүлгөн сумманы чогулта баштайт. Маселен, 2 миллион сомго үй алууну кааласа, 1 миллионун үч жылдын ичинде топтошу керек. Андан кийин насыя берүү боюнча келишим түзүлөт", — деди Усупова.
Ал жеңилдетилген ипотека тууралуу кошумча маалыматты akbosogo.kg сайтынан тапса болорун кошумчалады. Ошондой эле 0509 29 21 21, 0550 29 21 21 Whats App номерлерине чалып же жазыш керек.
Белгилей кетсек, "Ак-Босого" — Мамлекеттик ипотекалык компаниянын туунду компаниясы. 2020-жылы Юстиция министрлигинин каттоосунан өткөн.
Адистин жеңилдетилген ипотека тууралуу маегин толугу менен Sputnik Кыргызстан агенттигинен окуй аласыздар.
Мамлекеттик ипотекалык компаниянын башкаруучулугунун төрагасынын орун басары Амантур Өмүров - Sputnik Кыргызстан, 1920, 14.05.2022
Радио
Өмүров: "Керемет Банк" 8% менен 25 жылга чейин ипотекалык насыя берет
Жаңылыктар түрмөгү
0