Сузактагы окуучуну мугалимдин урганы боюнча омбудсмендин маалымат жыйыны

Жазылуу
НовостиTelegram
Бүгүн Кыргызстандын омбудсмени Атыр Абдрахматова Сузактагы мектеп окуучусуна мугалимдин кол көтөргөнү боюнча маалымат жыйын өткөрөт.
Окуя 23-майда Сафаровка айылындагы Жоомарт Бөкөнбаев атындагы №1 мектепте болгон.
Эске салсак, интернетте мугалим окуучу кызды чаап, уруп жаткан видео тараган. Кийинчерээк окуя эмнеден башталганы, 7-класстын окуучусу педагогго каяша айтып, айтышып, урушуп жатканы тартылган тасма жүктөлгөн. Окуя боюнча билим берүү министри Алмаз Бейшеналиев да үн катып, милиция ишти иликтей баштаган.
Райондук билим берүү бөлүмүнүн маалыматына ылайык, адистер тарабынан түзүлгөн атайын комиссия окуя боюнча иликтөө жүргүзүп, натыйжада мугалим Эмгек кодексинин 381-беренеси ("Окуучуга, тарбиялануучуга карата күч колдонуп жана (же) психикалык зомбулук көрсөтүшүнө байланышкан тарбиялоо усулдарын, анын ичинде бир жолу пайдаланганда") боюнча иштен бошотулган. Бирок көп өтпөй информатикадан сабак берген ал мугалим аялдын жумуштан кетүү тууралуу арызы канааттандырылбаганы кабарланган.
Жаңылыктар түрмөгү
0