Кумшекер бар, дүрбөлөң түшүүгө негиз жок. Министр элге кайрылды

© Sputnik / Павел Бедняков / Фотобанкка өтүүДүкөндөгү кумшекер сатуу. Архив
Дүкөндөгү кумшекер сатуу. Архив - Sputnik Кыргызстан, 1920, 28.05.2022
Жазылуу
Yandex newsTelegram
Бишкектин супермаркеттеринде кумшекердин килограммына социалдык баа 79 сомдон, ал эми көп көлөмдө алам дегендерге 84-85 сомдон сатылып жатканы айтылды.
БИШКЕК, 28-май — Sputnik. Айыл чарба министри Аскарбек Жаныбеков Бишкектеги супермаркеттердин бирине барып, ал жерде кант бар экенин жана социалдык баа 79 сом, көп көлөмдө алгандарга 84 сом экенин видеого тартып көрсөттү.
"Кыргызстанга 105 миң тонна кант алуу үчүн квота бердик. Бүгүнкү күндө кант камышы сырттан келип "Кайыңды кант" заводунда иштелип жатат. Башка импортчуларыбыз дагы сатып келүүдө. Учурда рынокто 25-30 миң тонна көлөмдө кумшекер турат. Кооптонууга негиз жок", — деди министр.
Ошол эле учурда кантка баанын негизсиз көтөрүлүшүнө жол бербөө максатында Монополияга каршы жөнгө салуу кызматы республиканын бардык аймактарында мониторинг жүргүзгөнүн билдирди.
Аталган кызматтын жетекчиси Кеңешбай Тайлаков чекене соода түйүндөрү кумшекерди лоялдуулук карталары аркылуу арзандатылган баада (79-85 сомдон) сатуу милдеттемелерин алганын, бирок айрымдары бул келишимди аткарбаганын айтты.
"Мониторинг көрсөткөндөй, бардык эле соода түйүндөрү өз милдеттенмелерин аткара бербейт. Айрым соода борборлорунда, мисалы, "Глобуста" кант жок экен. Демек, кантты тез арада кампалардан текчелерге жеткирүү керек", — деди Тайлаков.
Ошондой эле ал түштүк региондорго ишкерлер тарабынан үчүнчү өлкөлөрдөн алып келинген кант килограммына 88 сомдон сатылып жатканын кошумчалады.
"Башка аймактарда дагы кант бар. Килограммы орто эсеп менен 95 сомго чейин жетет. Канттын баасы 100 сом болгон пунктуларда тактоо иштери жүрүп, баалар төмөндөтүлгөн. Соодагерлер кумшекер бар, баа чындап эле көтөрүлгөнүн жана бул биринчи кезекте кантты дүңүнөн сатуу баасынын жогорулашына байланыштуу экенин белгилешти", — деп айтылат билдирүүдө.
Кечээтен бери Кыргызстандын соцтармак айдыңында республикада кумшекердин дефицити жаралат деген божомол кызуу талкууга алынып жатат.
Кумшекер упаковкасы. Архив - Sputnik Кыргызстан, 1920, 27.05.2022
Кыргызстанда кумшекер дефицити жаралабы? "Кайыңды Канттын" жообу
Жаңылыктар түрмөгү
0