Радиостудия Sputnik Кыргызстан в Бишкеке - Sputnik Кыргызстан, 1920
Радио

Мамбетова: китепканага келген жаш окурмандардын саны өстү

© Sputnik / Асель СыдыковаАлыкул Осмонов атындагы Улуттук китепкананын редакциялык басма иштери бөлүмүнүн башчысы Байкал Мамбетова
Алыкул Осмонов атындагы Улуттук китепкананын редакциялык басма иштери бөлүмүнүн башчысы Байкал Мамбетова - Sputnik Кыргызстан, 1920, 27.05.2022
Жазылуу
Алыкул Осмонов атындагы Улуттук китепкананын редакциялык басма иштери бөлүмүнүн башчысы Байкал Мамбетова китепканага көркөм, тарыхый чыгармаларды окугандар көп келерин айтты.
Улуттук китепканада элчиликтер тарабынан ачылган атайын борборлордо тил үйрөнүү мүмкүнчүлүктөрү каралган. Башка өлкөнүн маданиятына, тилине, улуттук өзгөчөлүктөрүнө кызыгып келгендер арбыды. Бул тууралуу Байкал Мамбетова Sputnik Кыргызстан радиосунда маек куруп жатып билдирди.
Мамбетова: китепканага келген жаш окурмандардын саны өстү
Анын айтымында, китепкана каражат көйгөйүнө байланыштуу окурмандар кызыккан учурдун китептери менен толукталбай жатат.
"Китепканага келген жаш окурмандардын саны өстү. Жаңы нерселерди үйрөнүүгө умтулган балдар, кыздар көбөйдү. Улуттук китепканада элчиликтер тарабынан ачылган атайын борборлордо тил үйрөнүү мүмкүнчүлүктөрү бар. Башка өлкөнүн маданиятына, тилине, улуттук өзгөчөлүктөрүнө кызыгып келгендер арбыды. Корей, кытай, түрк тилин өздөштүрүүнү каалап, китептерди издеп келишет. Мындан тышкары, тарыхый, адабий китептерди таап окугандар көп. Китепканада бардык шарттар түзүлүп, тиешелүү маалыматтарды алууга жеңил болуп калды. Өзгөчө ишти санариптештирүү аркылуу көп маселелер чечилди", — деди Мамбетова.
Ошондой эле адис китепкана кызматкерлеринин эмгек акысынын жогорулашы жаш кадрларды тартууга жана тейлөө сапатын жакшыртууга өбөлгө болорун кошумчалады.
Жаңылыктар түрмөгү
0