Кыргызстанда 111 жеке медициналык кабинет жабылат. Министрликтин билдирүүсү

© Sputnik / Константин Михальчевский / Фотобанкка өтүүКапельница коюп жаткан медицина кызматкери. Архив
Капельница коюп жаткан медицина кызматкери. Архив - Sputnik Кыргызстан, 1920, 18.05.2022
Жазылуу
Yandex newsTelegram
Комиссия 370 менчик медициналык уюмду текшерип, 148инен инфекциялык көзөмөл стандарттарынын сакталбаганын аныктаган.
БИШКЕК, 18-май — Sputnik. Кыргызстанда лицензиялык талаптарга жооп бербеген 111 менчик медициналык кабинет/клиника жабыла турганын Саламаттык сактоо министрлиги билдирди.
6-апрелдеги буйруктун негизинде жеке медициналык уюмдардын лицензиялык талаптарга жооп берер-бербесин текшерүүчү комиссия түзүлгөн.
"Лицензиянын жоктугу, уруксатсыз жүргүзүлгөн медициналык ишмердүүлүк, даректин дал келбеши сыяктуу фактылардын негизинде кабинет/клиниканы жабуу боюнча 111 акт түзүлдү", — деп айтылат билдирүүдө.
148 медициналык уюмга инфекциялык көзөмөл стандарттарынын сакталбаганы боюнча айып салынган. Материалдардын баары Санитардык эпидемиологиялык көзөмөл борборунун аймактык бөлүмдөрүнө жөнөтүлдү.
Буга чейин министр Алымкадыр Бейшеналиев 300гө чукул менчик медициналык клиниканы жаба турганын айткан.
Аптекада фармацевт - Sputnik Кыргызстан, 1920, 18.05.2022
Кыргызстанда 84 дарыкана уруксаты жок иштеп келген. Министрликтин текшерүүсү
Жаңылыктар түрмөгү
0