Эрдоган Финляндия менен Швециянын НАТОго мүчөлүгү боюнча Түркиянын позициясын айтты

© AFP / MURAT KULAТүркиянын президенти Режеп Тайып Эрдоган
Түркиянын президенти Режеп Тайып Эрдоган - Sputnik Кыргызстан, 1920, 13.05.2022
Жазылуу
Түрк президенти белгилегендей, республика НАТОго эки жаңы өлкөнүн мүмкүн болушуна байланыштуу кырдаалга байкоо жүргүзүүнү улантууда.
БИШКЕК, 13-май — Sputnik. Түркия Финляндия менен Швециянын НАТОго кирүү мүмкүнчүлүгүнө азырынча оң көз карашта боло албайт. Бул тууралуу өлкөнүн президенти Режеп Тайип Эрдоганга шилтеме берип РИА Новости жазды.
Анын айтымында, Түркия кырдаалга мониторинг жүргүзүүнү улантууда.
"Анткени буга чейин Грецияга байланыштуу мүчүлүштүк болгон. Грециянын Түркияга карата альянстагы жүрүм-туруму тууралуу билесиздер. Биз экинчи ката кетиргибиз келбейт", — деп түшүндүрдү түрк президенти.
Эрдоган Скандинавия өлкөлөрү террорчуларга көп учурда “меймандостук” мамиле жасап, аларга парламенттен орун берип жатканын баса белгиледи. Ушул себептен улам, президент белгилегендей, Түркия Түндүк Атлантика альянсына эки жаңы өлкөнүн киришине азырынча терс көз карашта.
Түркия каршы чыкса, Финляндия менен Швеция НАТОго кире албайт. Альянска жаңы мүчөлөрдүн пайда болушу үчүн уюмдун бардык мүчөлөрүнүн макулдугу керек. Эксперттер Эрдогандын билдирүүсүн Россия үчүн позитивдүү учур деп баалашты.
Вашингтондогу Капитолий имараты. Архив - Sputnik Кыргызстан, 1920, 13.05.2022
Россиянын Донбассты коргоо боюнча атайын операциясы
"Зеленскийге бир да цент берилбесин!" АКШ сенаторлору Киевге курал ташууга каршы
Жаңылыктар түрмөгү
0