https://sputnik.kg/20220511/deputat-beles-avtobusun-aluunu-talap-kyldy-1064301853.html
Депутат Кадырбеков: Бишкек мэри президенттин сөзүн өлтүрүп жатат
Депутат Кадырбеков: Бишкек мэри президенттин сөзүн өлтүрүп жатат
Sputnik Кыргызстан
Борбор калаанын мэри ата мекендик компаниянын автобустары базар баасынан 40-50 миң еврого кымбат экенин айтып, сатып алуудан баш тарткан. 11.05.2022, Sputnik Кыргызстан
2022-05-11T11:21+0600
2022-05-11T11:21+0600
2022-05-11T11:22+0600
кыргызстан
саясат
нуржигит кадырбеков
бишкек мэриясы
автобус
https://sputnik.kg/img/07e5/0c/1f/1060869975_0:38:3071:1765_1920x0_80_0_0_643c756970e44ed04eeb64f9a196771c.jpg
БИШКЕК, 11-май — Sputnik. Жогорку Кеңештин депутаты Нуржигит Кадырбеков Бишкек шаарынын мэриясынан Кыргызстанда чыгарылган "Белес" автобустарын сатып алууну талап кылды.Эл өкүлү жаңы чыгарылганда мамлекет башчы Садыр Жапаров барып айдап көрүп, башында 10 автобус сатып алууну, жакшы чыкса дагы көп буюртма берүүнү убадалаганын эске салды.Депутат мамлекет жардам бербесе өндүрүштүн өсүүсү кыйын болорун белгиледи."Кыргызда "сөзү өлгөнчө өзү өлсүн" деген кеп бар. Мэр биринчиден өзүнүн сөзүн, экинчиден президенттин сөзүн өлтүрүп жатат. Мэр экөөбүз бир араба да жасай албайбыз. Министр, мэрлер отурат жөн эле, маселени кабинеттеги бир аял чечет. "Кымбат экен" деп жатасыңар, көп чыккандан кийин арзандайт да. Президенттин сөзү эки болбосун, ушуну сатып алууну талап кылам", — деди эл өкүлү.Ошондой эле ал Solaris компаниясынын автобустарын алгач Варшава мэриясы сатып алып, өнүгүшүнө көмөкчү болгонун мисал келтирди.Белгилей кетсек, Бишкек шаарынын мэри Эмилбек Абдыкадыров "Белес.kg" компаниясынын автобустары базар баасынан 40-50 миң еврого кымбат экенин айтып, сатып алуудан баш тарткан.
https://sputnik.kg/20220215/sadyr-zhaparov-avtobus-rulga-oturdu-1062075113.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, саясат, нуржигит кадырбеков, бишкек мэриясы, автобус
кыргызстан, саясат, нуржигит кадырбеков, бишкек мэриясы, автобус
Депутат Кадырбеков: Бишкек мэри президенттин сөзүн өлтүрүп жатат
11:21 11.05.2022 (Жаңыртылды: 11:22 11.05.2022) Борбор калаанын мэри ата мекендик компаниянын автобустары базар баасынан 40-50 миң еврого кымбат экенин айтып, сатып алуудан баш тарткан.
БИШКЕК, 11-май — Sputnik. Жогорку Кеңештин депутаты
Нуржигит Кадырбеков Бишкек шаарынын мэриясынан Кыргызстанда чыгарылган "Белес" автобустарын сатып алууну талап кылды.
Эл өкүлү жаңы чыгарылганда мамлекет башчы Садыр Жапаров барып айдап көрүп, башында 10 автобус сатып алууну, жакшы чыкса дагы көп буюртма берүүнү убадалаганын эске салды.
"Президенттин сөзү — бул шамалдын ышкырыгы эмес. Арадан бир аз өткөндөн кийин Бишкектин мэри "карап көрдүк, андай-мындай экен, албайбыз. Дүйнөдө жакшы автобустар бар, булар кол менен топтойт экен" деп жатат. Анан эмне менен топтосун, мамлекет завод куруп же бир жабдык сатып бербесе. Чет элдик кредитке автобус алып келебиз дегенде дагы акча өзгөгө кетпей, өзүбүздө калсын дегем. Анда мэрия "башка бюджеттин эсебинен сатып алабыз" деп оозун толтуруп айткан", — деди Кадырбеков.
Депутат мамлекет жардам бербесе өндүрүштүн өсүүсү кыйын болорун белгиледи.
"Кыргызда "сөзү өлгөнчө өзү өлсүн" деген кеп бар. Мэр биринчиден өзүнүн сөзүн, экинчиден президенттин сөзүн өлтүрүп жатат. Мэр экөөбүз бир араба да жасай албайбыз. Министр, мэрлер отурат жөн эле, маселени кабинеттеги бир аял чечет. "Кымбат экен" деп жатасыңар, көп чыккандан кийин арзандайт да. Президенттин сөзү эки болбосун, ушуну сатып алууну талап кылам", — деди эл өкүлү.
Ошондой эле ал Solaris компаниясынын автобустарын алгач Варшава мэриясы сатып алып, өнүгүшүнө көмөкчү болгонун мисал келтирди.
Белгилей кетсек, Бишкек шаарынын мэри Эмилбек Абдыкадыров "Белес.kg" компаниясынын автобустары базар баасынан 40-50 миң еврого кымбат экенин айтып,
сатып алуудан баш тарткан.
15 Бирдин айы 2022, 18:35
