Депутат Кадырбеков: Бишкек мэри президенттин сөзүн өлтүрүп жатат

© Sputnik / Табылды КадырбековЖогорку Кеңештин депутаты Нуржигит Кадырбеков. Архив
Жогорку Кеңештин депутаты Нуржигит Кадырбеков. Архив - Sputnik Кыргызстан, 1920, 11.05.2022
Жазылуу
Борбор калаанын мэри ата мекендик компаниянын автобустары базар баасынан 40-50 миң еврого кымбат экенин айтып, сатып алуудан баш тарткан.
БИШКЕК, 11-май — Sputnik. Жогорку Кеңештин депутаты Нуржигит Кадырбеков Бишкек шаарынын мэриясынан Кыргызстанда чыгарылган "Белес" автобустарын сатып алууну талап кылды.
Эл өкүлү жаңы чыгарылганда мамлекет башчы Садыр Жапаров барып айдап көрүп, башында 10 автобус сатып алууну, жакшы чыкса дагы көп буюртма берүүнү убадалаганын эске салды.
"Президенттин сөзү — бул шамалдын ышкырыгы эмес. Арадан бир аз өткөндөн кийин Бишкектин мэри "карап көрдүк, андай-мындай экен, албайбыз. Дүйнөдө жакшы автобустар бар, булар кол менен топтойт экен" деп жатат. Анан эмне менен топтосун, мамлекет завод куруп же бир жабдык сатып бербесе. Чет элдик кредитке автобус алып келебиз дегенде дагы акча өзгөгө кетпей, өзүбүздө калсын дегем. Анда мэрия "башка бюджеттин эсебинен сатып алабыз" деп оозун толтуруп айткан", — деди Кадырбеков.
Депутат мамлекет жардам бербесе өндүрүштүн өсүүсү кыйын болорун белгиледи.
"Кыргызда "сөзү өлгөнчө өзү өлсүн" деген кеп бар. Мэр биринчиден өзүнүн сөзүн, экинчиден президенттин сөзүн өлтүрүп жатат. Мэр экөөбүз бир араба да жасай албайбыз. Министр, мэрлер отурат жөн эле, маселени кабинеттеги бир аял чечет. "Кымбат экен" деп жатасыңар, көп чыккандан кийин арзандайт да. Президенттин сөзү эки болбосун, ушуну сатып алууну талап кылам", — деди эл өкүлү.
Ошондой эле ал Solaris компаниясынын автобустарын алгач Варшава мэриясы сатып алып, өнүгүшүнө көмөкчү болгонун мисал келтирди.
Белгилей кетсек, Бишкек шаарынын мэри Эмилбек Абдыкадыров "Белес.kg" компаниясынын автобустары базар баасынан 40-50 миң еврого кымбат экенин айтып, сатып алуудан баш тарткан.
Садыр Жапаров ата мекендик Белес автобусун айдап көрдү. Видео - Sputnik Кыргызстан, 1920, 15.02.2022
Садыр Жапаров ата мекендик "Белес" автобусун айдап көрдү. Видео, сүрөт
Жаңылыктар түрмөгү
0