Исмаилов: Конституцияны өзгөртүү менен эки чоң түзүлүштү ага ылайыктоо зарыл
"Конституцияны өзгөртүү менен эки чоң түзүлүштү ага ылайыктоо зарылдыгы жаралат. Биринчиси, укуктук база. Мыйзамдардын баарын жаңы Конституцияга тууралаш керек. Бул өкмөткө, парламентке жана коомдук уюмдарга күч келтирет. Экинчиси, башкаруу системасын башкаруу механизмдери менен ылайыкташтыруу зарыл. Бул дагы эбегейсиз эмгекти жана каражатты талап кылат. Конституциялардын өзгөрүүсү боюнча окумуштуулар ар түрдүү пикирде. Мисалга АКШнын баш мыйзамы 1787-жылдан бери болгону 27 өзгөртүү киргизүү менен иштеп жатат. Ал эми Франция 1791-жылдан бери жаңы 15 Конституция кабыл алып, дүйнөдө рекордсмен болуп калды. Бирок бул эки мамлекет тең дүйнөнүн алдынкы мамлекеттеринен. Кыргызстан 1993-жылдан бери бир нече жолу Баш мыйзам кабыл алды. Алардын баарынын мазмуну жакшы, бирок ошол баш мыйзамда жазылгандар аткарылбай, Конституция иштебей калууда. Мамлекеттин өнүгүүсү, туруктуулугу Баш мыйзамдын мазмунунан эмес, анда жазылгандардын сакталышына байланыштуу", — деди Исмаилов.
