Ош шаарынын дүкөндөрүнөн мөөнөтү өткөн эки тонна азык аныкталды

© Sputnik / Владимир АстапковичАзык-түлүк дүкөнү. Архив
Азык-түлүк дүкөнү. Архив - Sputnik Кыргызстан, 1920, 03.05.2022
Жазылуу
Жалпы 82 дүкөн текшерүүгө алынып, анда азык-түлүктүн сактоо мөөнөтү жок экендиги жана айрымдары таңгакталбагандыгы тастыкталды.
БИШКЕК, 3-май — Sputnik. Ош шаарынын аймагындагы дүкөндөрдө мөөнөтү өтүп кеткен жана талапка жооп бербеген эки тоннадан ашык азык-түлүк аныкталды. Бул тууралуу Ош шаардык санитардык эпидемиологиялык көзөмөл бөлүмүнүн башчысы Гүлжан Жээнбаева билдирди.
Маалыматка ылайык, бүгүн, 3-майда, эртең менен калаадагы азык-түлүк саткан дүкөндөрдө рейд жүргөн.
"Бүгүн саат 14:00гө карата мөөнөтү өтүп кеткен эки тоннадан ашык азык-түлүк аныкталган. Жалпы 82 дүкөн текшерүүгө алынып, анда азык-түлүктөрдүн сактоо мөөнөтү жок экендиги жана айрымдары таңгакталбагандыгы тастыкталды. Жээнбаева мөөнөтү өтүп кеткен азык-түлүк бүгүн кечинде шаардагы таштанды талаасынан жок кылына тургандыгын кошумчалады", — деп жазылат билдирүүдө.
Эске сала кетсек, кечээ, 2-майда, Ош шаарында таттуу токочтон ууланып, жалпы 33 адам ооруканага түшкөн. Аталган рейд 4-май күнү да уланат.
Саламаттык сактоо министрлигинин Медициналык жардамды уюштуруу жана дары саясаты башкармалыгынын башкы адиси Гүласыл Сутуева - Sputnik Кыргызстан, 1920, 23.04.2022
Радио
Сутуева: текшерген жеке клиникалардын көбүнүн лицензиясы жок болуп чыкты
Жаңылыктар түрмөгү
0