https://sputnik.kg/20220430/psiholog-sindimdin-turmushu-1064063887.html
Кайындарынын кордугунан дартка кабылган сиңдимди ажыраштырсамбы? Эженин даты
Кайындарынын кордугунан дартка кабылган сиңдимди ажыраштырсамбы? Эженин даты
Sputnik Кыргызстан
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет. 30.04.2022, Sputnik Кыргызстан
2022-04-30T16:02+0600
2022-04-30T16:02+0600
2022-04-30T16:03+0600
психолог
урмат курманов
кайын журт
оору
уруш
ажырашуу
психолог менен баарлашуу
кыргызстан
сиңди
https://sputnik.kg/img/07e4/0b/0d/1050416442_0:0:3072:1728_1920x0_80_0_0_172b6cafc333a740c41cfa75c763db79.jpg
"Психолог менен баарлашуу" рубрикасына кайындарынын басмырлоосунан, кордугунан улам сиңдиси айыккыс дартка чалдыкканын айткан айым кат жазган.Саламатсыздарбы! Биз сиңдим экөөбүз ата-энебиз эрте каза болуп калып, жакын туугандарыбыздын колунда чоңойдук. Кийин шаарга келип биринчи мен, андан кийин сиңдим турмушка чыкты. Ал окуган жок. Жашоо-турмушу жакшы жерге барганына башында абдан кубандым. Кайындарынын эки кабаттуу үйү бар, жолдошу, кайындары да жакшы жумушта иштейт. Эми сиңдим бактылуу жашайт деп ойлогом. Бой жеткиче ар кимдин кийимин кийип өскөндүктөн өз үйү бар, бай адамдар бактылуу болсо керек деп ойлочумун. Анын үстүнө баары окуган-чокуган билимдүү адамдар болгонуна ишендим эле. Бирок кеп билимде деле эмес экен. Кайындары сиңдиме көрсөтпөгөндү көрсөтүштү. "Жетим кызсың, кимиң бар эле" деп ачык эле айтып, кудагый далай ыйлатты. Күйөөсү да апасынын сөзүнөн чыкпайт. "Апама эмнеге ушундай мамиле кыласың, минтпей коюпсуң" деп да энесинин тилине кирип кол көтөргөн учуру болду. Сиңдим бир уул төрөп берген. Андан кийин эки жолу боюнан түшүп калды. Ошентип ыйлап-сыктап жүрүп, акыры оорукчан болуп отурат. Мен жакшы сөздөрүмдү айтып, моралдык жактан колдоо көрсөткөнүм менен колумдан деле эч нерсе келген жок. Эми баары жакшы болот, убакыттын өтүшү менен баарын жеңет деп эле ишенип келгем. Бирок сиңдим байкуш акыры көп капаланып жатып айыккыс дартка кабылып калды. Азыр химия алып ооруканада. Мында да жакшы карабай жатышат. Кайненесинин жүрөгү ташпы, билбей койдум. Ата-энебиз болсо сиңдим мынчалык кор болбойт беле. Баласына да боорум ооруйт. Сиңдим азыр 26 жашта. Анын азыркы абалы жанымды кейитип турат. Аябай чүнчүп кетти.Ушуну менен ажыраштырып алсамбы деп ойлоп жатам. Кайра ажырашкандан кийин депрессия болуп, ал оорусун күчөтөбү деп кайра коркуп да жатам. Кандай кылсак болот? Өзүнүн маанайы жок. Эч нерсеге көңүлү чаппайт. Ооруканадан чыгып барса баягы эле ызы-чууга туш болот да. Ушуну ойлоп санаам санга бөлүндү.Психолог Урмат Курманов:— Ооба, сиз бир тууган катары четте карап тура албай, сиңдиңизге абдан жардам бергиңиз келип жатат. Бул жагы түшүнүктүү. Бирок ар бир адам чечимди өзү кабыл алышы керек. Эгер сиңдиңиздин тандоосу ошол болуп жатса, ал жашоонун ушул нугунда жашайт. Психологияда курмандык жана өз жашоосунун кожоюну деген эки түшүнүк бар. Учурда сиздин бир тууганыңыз турмушунда курмандык болууга өтүп алыптыр.Катыңызда анын жашоосу үчүн сиз чечим чыгарып жаткандай жазыптырсыз. Ал баарын өзү ойлонуп, таразалап, анан туура жыйынтык чыгарышы керек. Анткени кийин ага жакпагандай бир нерсе болуп кетсе, ал үчүн кайра сиз күнөөлүү болуп каласыз. Ошол себептен өз тандоосуна коюңуз. Болгону түрткү гана бере аласыз. Сиңдиңиз жакшы, тажрыйбалуу психологго барып көрүнүшү керек. Ошондо жеке инсандык өсүү болуп, балким, жашоого көз карашы өзгөрөр. Анан туура жыйынтык болот.
https://sputnik.kg/20220326/ayalyna-yraazy-ehmes-zhigit-1063159940.html
https://sputnik.kg/20220320/balasyn-bergisi-kelbegen-kelin-1062967686.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
психолог, урмат курманов, кайын журт, оору, уруш, ажырашуу, психолог менен баарлашуу, кыргызстан, сиңди
психолог, урмат курманов, кайын журт, оору, уруш, ажырашуу, психолог менен баарлашуу, кыргызстан, сиңди
Кайындарынын кордугунан дартка кабылган сиңдимди ажыраштырсамбы? Эженин даты
16:02 30.04.2022 (Жаңыртылды: 16:03 30.04.2022) Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.
"Психолог менен баарлашуу" рубрикасына кайындарынын басмырлоосунан, кордугунан улам сиңдиси айыккыс дартка чалдыкканын айткан айым кат жазган.
Саламатсыздарбы! Биз сиңдим экөөбүз ата-энебиз эрте каза болуп калып, жакын туугандарыбыздын колунда чоңойдук. Кийин шаарга келип биринчи мен, андан кийин сиңдим турмушка чыкты. Ал окуган жок. Жашоо-турмушу жакшы жерге барганына башында абдан кубандым. Кайындарынын эки кабаттуу үйү бар, жолдошу, кайындары да жакшы жумушта иштейт. Эми сиңдим бактылуу жашайт деп ойлогом. Бой жеткиче ар кимдин кийимин кийип өскөндүктөн өз үйү бар, бай адамдар бактылуу болсо керек деп ойлочумун. Анын үстүнө баары окуган-чокуган билимдүү адамдар болгонуна ишендим эле. Бирок кеп билимде деле эмес экен. Кайындары сиңдиме көрсөтпөгөндү көрсөтүштү. "Жетим кызсың, кимиң бар эле" деп ачык эле айтып, кудагый далай ыйлатты. Күйөөсү да апасынын сөзүнөн чыкпайт. "Апама эмнеге ушундай мамиле кыласың, минтпей коюпсуң" деп да энесинин тилине кирип кол көтөргөн учуру болду. Сиңдим бир уул төрөп берген. Андан кийин эки жолу боюнан түшүп калды. Ошентип ыйлап-сыктап жүрүп, акыры оорукчан болуп отурат. Мен жакшы сөздөрүмдү айтып, моралдык жактан колдоо көрсөткөнүм менен колумдан деле эч нерсе келген жок. Эми баары жакшы болот, убакыттын өтүшү менен баарын жеңет деп эле ишенип келгем. Бирок сиңдим байкуш акыры көп капаланып жатып айыккыс дартка кабылып калды. Азыр химия алып ооруканада. Мында да жакшы карабай жатышат. Кайненесинин жүрөгү ташпы, билбей койдум. Ата-энебиз болсо сиңдим мынчалык кор болбойт беле. Баласына да боорум ооруйт. Сиңдим азыр 26 жашта. Анын азыркы абалы жанымды кейитип турат. Аябай чүнчүп кетти.
26 Жалган Куран 2022, 14:42
Ушуну менен ажыраштырып алсамбы деп ойлоп жатам. Кайра ажырашкандан кийин депрессия болуп, ал оорусун күчөтөбү деп кайра коркуп да жатам. Кандай кылсак болот? Өзүнүн маанайы жок. Эч нерсеге көңүлү чаппайт. Ооруканадан чыгып барса баягы эле ызы-чууга туш болот да. Ушуну ойлоп санаам санга бөлүндү.
— Ооба, сиз бир тууган катары четте карап тура албай, сиңдиңизге абдан жардам бергиңиз келип жатат. Бул жагы түшүнүктүү. Бирок ар бир адам чечимди өзү кабыл алышы керек. Эгер сиңдиңиздин тандоосу ошол болуп жатса, ал жашоонун ушул нугунда жашайт. Психологияда курмандык жана өз жашоосунун кожоюну деген эки түшүнүк бар. Учурда сиздин бир тууганыңыз турмушунда курмандык болууга өтүп алыптыр.
Катыңызда анын жашоосу үчүн сиз чечим чыгарып жаткандай жазыптырсыз. Ал баарын өзү ойлонуп, таразалап, анан туура жыйынтык чыгарышы керек. Анткени кийин ага жакпагандай бир нерсе болуп кетсе, ал үчүн кайра сиз күнөөлүү болуп каласыз. Ошол себептен өз тандоосуна коюңуз. Болгону түрткү гана бере аласыз. Сиңдиңиз жакшы, тажрыйбалуу психологго барып көрүнүшү керек. Ошондо жеке инсандык өсүү болуп, балким, жашоого көз карашы өзгөрөр. Анан туура жыйынтык болот.
20 Жалган Куран 2022, 13:30
