Бишкекти дүйнө суктанган шаарга айланталы! Калаа башчынын куттуктоосу
"Бишкекте иштерман, мээнеткеч ар улуттун эли жашайт. Шаарда элди мээримине, сулуулугуна, тазалыгы менен жылуу кучагына тарткан жагымдуу жүзү болушу керек. Ага жетүү үчүн мэриянын, депутаттардын жана шаардын жашоочуларынын жигердүү биргелешкен аракети зарыл. Эгерде ар бир шаардык тазалык, тартип үчүн камкордук көрсө, өздөрү адептүү жана маданияттуу болсо, анда Бишкек сөзсүз таза, көрктүү жана сыймыктуу шаар болоруна сиздерди ишендире алам. Шаар жакшырууда жана жаңыланууда. Көптөгөн жаңы имараттар курулуп, заманбап инфраструктуралык объектилер пайда болуп, жолдор жапырт оңдолууда. Жылдык кирешебиз жылдагыдан көбөйүп жатат. Бул алдыда жасай турган шаардын архитектурасын жакшыртуу, транспорт тыгындарын азайтуу, жол тармактарын кеңейтүү, айлана чөйрөнү таза сактоо, шаар тургундарынын жана меймандарынын керектөөсүн, каалоосун жүзөгө ашыруу сыяктуу пландарыбызга чоң мотивация берет", — деп жазылат мэрдин куттуктоосунда.
