ДССУ балдар арасында курч кармаган белгисиз гепатит тарап жатканын билдирди

© AFP / JAY DIRECTOОоруканадагы бала. Архив
Ооруканадагы бала. Архив - Sputnik Кыргызстан, 1920, 24.04.2022
Жазылуу
Уюмдун маалыматында, бир айлык ымыркайдан 16 жашка чейинки балдар ооруга кабылууда. Бейтаптардын 10 пайызы боорду алмаштырууга муктаж болгон.
БИШКЕК, 24-апр. — Sputnik. Дүйнөнүн ондон ашуун мамлекетинде кайдан чыкканы белгисиз, бирок курч кармаган гепатит 170 баладан аныкталып, бир бейтап көз жумду. Бул тууралуу Дүйнөлүк саламаттык сактоо уюму билдиргенин РИА Новости жазды.
"21-апрелге карата ДССУнун Европа аймагындагы 11 мамлекетинде курч кармаган белгисиз гепатитти кеминде 169 бала жуктурду. Бир учур Түндүк жана Түштүк Африка регионунда катталды", — деп билдирген уюм.
Атап айтканда, балдар арасындагы гепатиттин 114 учуру Улуу Британияда, 13ү Испанияда, 12си Израилде, 9у АКШда, алтоо Данияда катталды. Ошондой эле беш учур Ирландияда, төрттөн учур Италия менен Нидерландда, эки учурдан Норвегия менен Францияда, бир учурдан Румыния менен Бельгияда катталган.
ДССУнун маалыматында, бир айлык ымыркайдан 16 жашка чейинки балдар ооруп жатат. Бейтаптардын 10 пайызы боорду алмаштырууга (трансплантация) муктаж болгон. Эл аралык уюм азырынча бир баланын илдеттен көз жумганы боюнча маалыматы бар экенин билдирди.
ДССУ бул илдеттен гепатит вирусунун бир дагы түрү (A, B, C, E, D) аныкталбаганын белгиледи.
Негизинен 74 бейтаптан аденовирус, дагы 18 баладан аденовирустун F тобу аныкталган. Ошондой эле тест тапшырган 20 оорулуудан SARS-CoV-2 чыккан. Мындан сырткары, 19 балада SARS-CoV-2 менен аденовирустун коинфекциясы (аралашкан түрү) аныкталган.
Эл аралык уюм аденовирус жана башка инфекциялардан коргонуу үчүн санитардык чараларды көрүп, таза жүрүү керектигин кошумчалады. Ошондой эле мамлекеттерди гепатиттин курч кармаган бул түрү боюнча учурларды аныктап, маалымат берип турууну эскертти. Ошол эле учурда Британияга же башка мамлекеттерге барууга же соода-сатык байланышына чектөө киргизүүнү сунуштаган эмес.
Вирустук инфекцияларга каршы күрөшүү боюнча илимий-практикалык борбордун жетекчиси, медицина илимдеринин доктору, профессор Зуридин Нурматов - Sputnik Кыргызстан, 1920, 16.02.2022
Радио
Нурматов: гепатиттин тарашы табияттын адамга жообу десек болот
Жаңылыктар түрмөгү
0