Дүйнөлүк көчмөндөр оюндарына барууга кыргыз өкмөтү 100 млн. сом жумшайт

© Sputnik / Табылды КадырбековДүйнөлүк көчмөндөр оюндары. Архив
Дүйнөлүк көчмөндөр оюндары. Архив - Sputnik Кыргызстан, 1920, 22.04.2022
Жазылуу
Түркия тарап өткөрүү форматын иштеп чыгып, май айынын башында тааныштырат.
БИШКЕК, 22-апр. — Sputnik. Түркияда өтө турган төртүнчү Дүйнөлүк көчмөндөр оюндарына барууга кыргыз өкмөтү 100 миллион сом жумшайт. Бул тууралуу маданият, маалымат, спорт жана жаштар саясаты министри Азамат Жаманкулов парламентте билдирди.
Ал жакында эле барып уюштуруу комитети менен жолугуп келгенин белгиледи.
"Биз бул жакта командабыз менен даярданып жатабыз. Маданият бөлүмүнө 50, спортко 50 миллион сом каралган. Түркия тарап өткөрүү форматын май айынын башында беребиз деген. Оюндун кайсы түрлөрүн, маданий компоненттин кайсынысын киргизип жатат, ошонун баарын майдын башында спорт министрлери жолугуп сүйлөшөбүз, ошол жерде аныкталат. Бирок ага карабай, кол өнөрчүлөрүбүздү, боз үйлөрүбүздү, маданий компонентин, спортчуларыбызды, улуттук спорт командаларын даярдап жатабыз", — деди Жаманкулов.
Белгилей кетсек, Дүйнөлүк көчмөндөр оюндары Бурса аймагындагы Изник шаарында (Түркия) 29-сентябрдан 2-октябрга чейин өтөт.
Дүйнөлүк көчмөндөр оюндарында КР спортчулары. Архив - Sputnik Кыргызстан, 1920, 20.04.2022
Кыргызстандыктар улуттук курама команданын формасын тандай алат. Сүрөт
Жаңылыктар түрмөгү
0