Президент Жапаров: бүгүн түз эфирде "Кумтөр" менен тынч ажырашабыз

© Пресс-служба президента КР / Султан ДосалиевПрезидент Садыр Жапаров Кумтөр кенинде. Архив
Президент Садыр Жапаров Кумтөр кенинде. Архив - Sputnik Кыргызстан, 1920, 04.04.2022
Жазылуу
Компанияга былтыр күзүндө тышкы башкаруу киргизилген. Жапаров алтын кен боюнча келишим өлкө пайдасына чечилип жатканын айтты.
БИШКЕК, 4-апр. — Sputnik. Бүгүн кечки саат 18:30да видеоконференция форматында Centerra Gold компаниясы менен келишим токтотулат. Бул тууралуу Садыр Жапаров социалдык чөйрөнүн кызматкерлеринин республикалык жыйынында билдирди.
"Түгөлбай Казаков агайыбыз "Кумтөр" боюнча айтып кетти. Бүгүн саат 18:30да түз эфирде видеоконференция аркылуу кол коюшабыз. Бүгүн аяктадык ишин, эч кандай соттошуусу жок, тынч ажырашып жатабыз. Албетте, биздин пайдабызга чечилип жатат", — деди президент.
Жапаров Кумтөрдөн сырткары башка дагы 30 кенди жүз пайыз мамлекеттин пайдасына иштетүү каралып жатканын айтты.
Буга чейин кечки саат 18:30да Садыр Жапаров элине маанилүү кайрылуу жасай турганы белгилүү болгон. Кайрылуу КТРК, республикалык жана облустук телеканалдардын эфиринде, социалдык тармактардагы баракчаларда көрсөтүлөт.
Эске салсак, 2021-жылы 17-майда Кумтөр алтын кенине тышкы башкаруу киргизилген.
Күмтөр алтын кени. Архив - Sputnik Кыргызстан, 1920, 03.04.2022
Садыр Жапаров Кумтөр жана бюджетке түшкөн киреше тууралуу айтты
Жаңылыктар түрмөгү
0