Бул күндөр да өтөт! Атамбаев сотто журналисттердин суроосуна жооп берди

© Sputnik / Табылды КадырбековКыргызстандын мурдагы президенти Алмазбек Атамбаев
Кыргызстандын мурдагы президенти Алмазбек Атамбаев - Sputnik Кыргызстан, 1920, 04.04.2022
Жазылуу
Yandex newsTelegram
Мурдагы президент Алмазбек Атамбаев бүгүн Биринчи май райондук сотуна жеткирилген. Ал октябрь окуялары боюнча отурумга катышты.
БИШКЕК, 4-апр. — Sputnik. Мурдагы президент Алмазбек Атамбаев Биринчи май райондук сотундагы отурумдун алдында журналисттердин суроосуна жооп берди.
Атамбаевдин айткандарынын урунттуу учурларын сунуштайбыз:
Менин өлүмүмдү каалап жатышат, мен алардын кыжырын келтирип өлбөйм! Жакындарымдын кубанычына жашашым керек. Бирок чөгөлөп эмес, адамча жашоону каалайт элем;
Менимче, Садыр Жапаров катуу таарынып калган окшойт. Бул нерселер майдараак болуп жатат;
Абакта мага баары сый мамиле кылышат. Ал эми 23-марттагы шакаба чегүү атайын жасалып жаткан нерсе болушу мүмкүн. Коронавирустан кийин жүрөгүм начар экенин билгендер мени инфаркт же инсульт болуп калсын деп жатса керек;
Бул соттук отурумдардын баары чындыгында жөн гана цирк экенин билесиңер. Андыктан мен ар бир соттун алдында кат түрүндө менсиз өткөрө бергиле деп суранам. Батукаев тууралуу сотту менсиз эле кылышкан. Бирөөнө дагы барган эмесмин. Азыр деле ошенте беришпейби, мени кыйнабай. Же видео байланыш форматында кылышсын;
Абактын башкы дарыгери 23-марттагы окуядан бери мен жакка киргенден коркуп калды;
Садыр Жапаровдун учурунда шарттар бир топ жакшырып калды, бирок абак деген абак;
Мени Сокенин (экс-президент Сооронбай Жээнбеков — ред.) учурунда дагы жылаңайлак, күчкө салып сотко алып барышчу эмес, өзгөчө ооруп жатканда. Эмне болуп кетти билбейм, кудай бийликке акыл берсин деп отурам;
Садыр Жапаров менин убагымда кармалган. Ал алты ай отургандан кийин мен кеткем, а мен анын учурунда андан көп отурум койдум. Көп нерсе түшүнүксүз, акылыма сыйбай жатат.
Сот процесси жүрүп жаткан маалда Атамбаевдин ден соолугу начарлап, тез жардам чакыртылды.
Эске салсак, мурдагы президент Алмазбек Атамбаев бүгүн Биринчи май райондук сотуна жеткирилген. Ал октябрь окуялары боюнча отурумга катышары пландалган.
Vурдагы президент Алмазбек Атамбаев. Архив - Sputnik Кыргызстан, 1920, 25.03.2022
Садыр Жапаров Атамбаев тууралуу: мага кыянаттык кылгандардын баарын кечиргем
Жаңылыктар түрмөгү
0