Беларусту колдоо жана биолаборатория. Песковдун билдирүүсү
01:04 03.04.2022 (Жаңыртылды: 10:36 03.04.2022)
© Sputnik / Сергей Гунеев
Жазылуу
Песковдун айтымында, санкциялык оюндар доллар менен евронун беделин түшүрүп, мамлекеттер улуттук валютада эсептешүүгө өтүүдө.
БИШКЕК, 3-апр. — Sputnik. Россия президентинин маалымат катчысы Дмитрий Песков "Белоруссия-1" телеканалынын эфиринде бир нече билдирүү жасады.
Урунттуу учурлар:
Песков Беларуска кол салуу боло турган болсо толук кандуу аскердик колдоо көрсөтүлөрүн билдирди. ЖККУнун мүчөсүнө, айрыкча, Беларуска кол салуу Россияга кол салгандай эсептелет;
Россия менен Украинанын ортосундагы сүйлөшүүлөр оор өтүп жатат, бирок башкысы уланып жатканы маанилүү;
Москва Украинада нацисттик идеяларга тыюу салынып, орус тили өзүнүн ордуна келет деп үмүт артат;
Атайын операциянын башкы максаттарынын бири – ДЭР менен ЛЭРди куткаруу жана алардын 2014-жылдагы чек арасындагы мамлекеттүүлүгүн калыбына келтирүү;
Россиянын атайын операциясы учурунда Украинанын аскердик потенциалы дээрлик талкаланды;
Түркия НАТОнун мүчөсү болгону менен өзүнүн кызыкчылыгын коргой алат. Түркия Брюсселге макулдугун бербей, Россияга каршы санкцияларга кошулбай кое алат;
НАТО коргонуучу уюм экенин айтканы менен аныгында агрессия үчүн түзүлгөн;
Россия менен Беларустун айланасына биолабораториялардын тармагы түзүлгөн. Ал Пентагон тарабынан каржыланат. Алар кайсы бир этносторго каршы иштеген биологиялык куралдардын түрлөрүн иштеп чыгуу боюнча долбоорлордун үстүндө иштейт. Бул өтө коркунучтуу курал;
Санкциялык оюндардын фонунда доллар менен евронун беделине доо кетти. Себеби мамлекеттер улуттук валютада эсептешүүгө өтүп жатат жана бул процесс токтобойт;
Бир дагы мамлекетке Россияга жасалгандай санкциялык басым болгон эмес. Бирок бул нерсе иштөөгө жана Беларусь менен интеграцияны тереңдетүүгө шарт түзүүдө.
