Былтыр Кыргызстандан канча тонна руда, концентрат сыртка ташылган? Инфографика

Жазылуу
Республика аймагынан өткөн жылы 173 миң 996 тоннадан ашык концентрат, руда чет жакка кайра иштетүүгө чыгарылган.
Sputnik Кыргызстан агенттиги курамында баалуу металлдар бар руда менен концентраттар кайсы мамлекеттерге кеткендигине кызыгып көрдү.
Жаратылыш ресурстары, экологиялык жана техникалык көзөмөл министрлигинин маалыматына ылайык, Кыргызстанда концентрат, рудалар менен тогуз компания иштейт. Ал компаниялар курамында алтын, күмүш, жез бар руда, концентраттарды Казакстан, Кытай, Түркияга ошол жактан ылгап алуу үчүн ташып кетет. Өткөн жылы алар Кыргызстандын аймагынан сыртка жалпысынын 173 миң 996 тоннадан ашык концентрат, руда чыккан. Анын курамында 5 307 килограммдан ашык алтын, 13 тонна 491 килограммдан ашык күмүш жана 8 942 тоннадан ашык жез болгон.
Ири көлөмдөгү концентрат, рудаларды "Вертекс голд компани", "Казминералз Бозымчак" жана "Алтын кен" жоопкерчилиги чектелген коому коңшу Казакстанга ташыган. Андан сырткары, Түркия, Кытайга алып кеткен компаниялар да бар. Кен казган ал тогуз ишкананын алтоонун Кыргызстанда өзүнүн алтын ылгап алуучу ишканалары бар. Бирок булар аны сырттан иштетүүнү туура көрүшөт.
Эскерте кетсек, 2020-жылы өлкө аймагынан жалпы 226 миң 207 тоннадан ашык концентрат, руда чыгарылган. Анын курамында 5 667 килограмм алтын, 11 тонна 304 килограммдан ашык күмүш жана 7 343 тоннадан ашык жез болгон.
Концентрат — бул рудага караганда зыяндуу компоненттери аз жана курамында баалуу металлы көп болгон байытылган продукт.
Тема боюнча:
Кыргызстан өзүн кайсы азык-түлүк менен камсыздайт? Инфографика
29 жыл ичинде доллардын баасы сомго карата кандай өзгөрдү? График
Жаңылыктар түрмөгү
0