Bloomberg: Путиндин сөзүнөн кийин союздаштары Байденди сынга алышты

© REUTERS / TOM BRENNERАКШ президенти Жо Байден. Архив
АКШ президенти Жо Байден. Архив - Sputnik Кыргызстан, 1920, 29.03.2022
Жазылуу
Yandex newsTelegram
Журналисттин айтымында, Батыштын көп саясатчыларына Байдендин РФ лидери Владимир Путиндин дарегине карата айткан сөздөрү жаккан эмес.
БИШКЕК, 29-мар. — Sputnik. АКШ президенти Жо Байдендин Варшавадагы Россияга каршы сөзү жакынкы өнөктөштөрүнүн нааразычылыгын жаратты. Бул тууралуу Bloomberg баядамачысы Тони Чучка билдиргенин РИА Новости жазды.
Журналисттин айтымында, Батыштын көп саясатчыларына Байдендин РФ лидери Владимир Путиндин дарегине айтылган орунсуз кеби жаккан эмес.
Союздаштары Байденге Москва менен кооптуу тирештин отун жандырып жатканын эскертишкен. Колумнисттин ою боюнча, Франция президенти Эммануэль Макрон, Улуу Британия өкмөтү, дегеле баары Байдендин таң калтырган сөзүнөн оолак болууга аракет кылышкан.
Буга чейин Байден Польшада иш сапары менен жүрүп, Украина Москва үчүн эч качан утуш болбой турганын, Россия лидери өз ордунда кала албай турганын айткан. Кийинчерээк Ак үй Байден анда Россияда бийлик алмашуусу тууралуу айтпаганын билдирип, аны кийинчерээк АКШ президенти тастыктаган.
Кремль өкүлү Дмитрий Песков Байдендин Варшавада сүйлөгөн сөзүнө жооп берип, Москвада бийликте ким болорун АКШ президенти чечпей турганын айтып, мамлекет башчыны эл тандай турганын белгилеген.
Супермаркеттеги кардар - Sputnik Кыргызстан, 1920, 29.03.2022
АКШда антироссиялык санкциялардан улам азык-түлүк кымбаттай турганын айтышты
Жаңылыктар түрмөгү
0