https://sputnik.kg/20220325/kyrgyzstan-ehl-kattoo-2022-1063121336.html
Жеке маалымат тарап кетпейби? Эл каттоо тууралуу суроолорго жооптор видеодо
Жеке маалымат тарап кетпейби? Эл каттоо тууралуу суроолорго жооптор видеодо
Sputnik Кыргызстан
Бүгүндөн тарта өлкөдө элди жана турак жай фондун каттоо кампаниясы башталды. Sputnik Кыргызстан редакциясы калкты кызыктырган суроолорго жооп даярдады. 25.03.2022, Sputnik Кыргызстан
2022-03-25T12:56+0600
2022-03-25T12:56+0600
2022-03-25T12:57+0600
кыргызстан
эл каттоо
калк
статистика
маалымат
видео
мультимедиа
каттоо
электрондук каттоо
жооп
https://sputnik.kg/img/07e6/03/19/1063121004_0:282:1080:890_1920x0_80_0_0_da0f540ba4c8b3e67331ba419350d06d.png
Кыргызстанда 25-марттан 3-апрелге чейин элди жана турак жай фондун каттоо өткөрүлөт. Айрым гана аймактарда ал 23-апрелден 2-майга чейин пландалган.Соңку ирет бул иш-чара Кыргызстанда 2009-жылы болгон. Бул жолу эл каттоо алгачкы ирет электрондук форматта өтөт. Маалыматтар мурдагыдай кагазга жазылбайт. Анын ордуна каттоочунун смартфонундагы мобилдик тиркеме колдонулат. Сурамжылоо аркылуу алынган маалыматтар дароо Статистика боюнча улуттук комитеттин серверине жөнөтүлөт.Эл каттоо аркылуу бийлик калктын азыркы жашоо-турмушу кандай экенин билип, ошого жараша келечекке план түзөт. Ар бир каттоочу аты-жөнү жазылган, сүрөтү, жетекчиликтин кол тамгасы коюлуп, мөөр басылган күбөлүктү көрсөтүшү керек. Баса, анда QR-код дагы бар. Күмөн санасаңыз, сканерлеп көрүңүз. Же 1216 номери менен борборго чалып сурасаңыз, сиздин үйгө келчү каттоочунун аты-жөнүн айтышат. Бардыгы болуп каттоо кампаниясына 28 миң киши тартылган. Алардын 25 миңи — каттоочулар.Жарандарга жынысы, туулган жылы, үй-бүлөлүк абалы, улуту, жашаган жана туулган жери, жарандыгы, билген тилдери, билими, жашоо шарты, иштеген жери жана киреше булагы боюнча суроолор берилет. Компьютерде иштей аласызбы, интернет колдоносузбу деген суроолор дагы болот. Аларга үй-бүлөнүн бир гана мүчөсү жооп бере алат.Статистика боюнча улуттук комитеттен билдиргендей, бардык маалыматтар купуя сакталат жана жыйынтык чыгаруу үчүн гана колдонулат. Кагаздын ордуна пайдаланылчу мобилдик тиркеме башкаларга жеткиликтүү эмес. Тиешелүү адистер ага логин жана сыр сөз аркылуу кирет. Алынган маалыматты каттоочу Статкомго жөнөтөрү менен өзүнүн смартфонунан өчүп калат.Дагы бир маанилүү учур: өлкөдө жашаган ар бир кыргызстандык, чет элдик жана жарандыгы жок адамдар каттоодон өтүшү керек. Бул эреже башка өлкөгө кеткенине бир жыл боло элек мекендештерге дагы тиешелүү. Ал эми сыртта жүргөнүнө бир жылдан ашып кеткен кыргызстандыктар үчүн атайын каттоо формасы ачылган.Тема боюнча:— Садыр Жапаров эл каттоочуларды үйүндө кабыл алды. Сүрөт, видео— Эл каттоонун жүрүшү боюнча даттануулар үчүн ишеним телефону уюштурулду
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Бегимай Бакашева
https://sputnik.kg/img/103086/33/1030863320_1672:130:2879:1337_100x100_80_0_0_a7f17648fe57367fc830aa37bdde062d.jpg
Бегимай Бакашева
https://sputnik.kg/img/103086/33/1030863320_1672:130:2879:1337_100x100_80_0_0_a7f17648fe57367fc830aa37bdde062d.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Бегимай Бакашева
https://sputnik.kg/img/103086/33/1030863320_1672:130:2879:1337_100x100_80_0_0_a7f17648fe57367fc830aa37bdde062d.jpg
кыргызстан, эл каттоо, калк, статистика, маалымат, видео, мультимедиа, каттоо, электрондук каттоо, жооп, суроо, видео
кыргызстан, эл каттоо, калк, статистика, маалымат, видео, мультимедиа, каттоо, электрондук каттоо, жооп, суроо, видео
Жеке маалымат тарап кетпейби? Эл каттоо тууралуу суроолорго жооптор видеодо
12:56 25.03.2022 (Жаңыртылды: 12:57 25.03.2022) Бегимай Бакашева
Журналист
Бүгүндөн тарта өлкөдө элди жана турак жай фондун каттоо кампаниясы башталды. Sputnik Кыргызстан редакциясы калкты кызыктырган суроолорго жооп даярдады.
Кыргызстанда 25-марттан 3-апрелге чейин элди жана турак жай фондун каттоо өткөрүлөт. Айрым гана аймактарда ал 23-апрелден 2-майга чейин пландалган.
Соңку ирет бул иш-чара Кыргызстанда 2009-жылы болгон. Бул жолу эл каттоо алгачкы ирет электрондук форматта өтөт. Маалыматтар мурдагыдай кагазга жазылбайт. Анын ордуна каттоочунун смартфонундагы мобилдик тиркеме колдонулат. Сурамжылоо аркылуу алынган маалыматтар дароо Статистика боюнча улуттук комитеттин серверине жөнөтүлөт.
Эл каттоо аркылуу бийлик калктын азыркы жашоо-турмушу кандай экенин билип, ошого жараша келечекке план түзөт.
Ар бир каттоочу аты-жөнү жазылган, сүрөтү, жетекчиликтин кол тамгасы коюлуп, мөөр басылган күбөлүктү көрсөтүшү керек. Баса, анда QR-код дагы бар. Күмөн санасаңыз, сканерлеп көрүңүз. Же 1216 номери менен борборго чалып сурасаңыз, сиздин үйгө келчү каттоочунун аты-жөнүн айтышат. Бардыгы болуп каттоо кампаниясына 28 миң киши тартылган. Алардын 25 миңи — каттоочулар.
Жарандарга жынысы, туулган жылы, үй-бүлөлүк абалы, улуту, жашаган жана туулган жери, жарандыгы, билген тилдери, билими, жашоо шарты, иштеген жери жана киреше булагы боюнча суроолор берилет. Компьютерде иштей аласызбы, интернет колдоносузбу деген суроолор дагы болот. Аларга үй-бүлөнүн бир гана мүчөсү жооп бере алат.
Статистика боюнча улуттук комитеттен билдиргендей, бардык маалыматтар купуя сакталат жана жыйынтык чыгаруу үчүн гана колдонулат. Кагаздын ордуна пайдаланылчу мобилдик тиркеме башкаларга жеткиликтүү эмес. Тиешелүү адистер ага логин жана сыр сөз аркылуу кирет. Алынган маалыматты каттоочу Статкомго жөнөтөрү менен өзүнүн смартфонунан өчүп калат.
Дагы бир маанилүү учур: өлкөдө жашаган ар бир кыргызстандык, чет элдик жана жарандыгы жок адамдар каттоодон өтүшү керек. Бул эреже башка өлкөгө кеткенине бир жыл боло элек мекендештерге дагы тиешелүү. Ал эми сыртта жүргөнүнө бир жылдан ашып кеткен кыргызстандыктар үчүн атайын каттоо формасы ачылган.
