Керт башыңар менен жооп бересиңер! Ташиев үч министрге катуу эскертти

© Sputnik / Табылды КадырбековУКМК төрагасы Камчыбек Ташиев. Архив
УКМК төрагасы Камчыбек Ташиев. Архив - Sputnik Кыргызстан, 1920, 24.03.2022
Жазылуу
Yandex newsTelegram
Атайын кызматтын башчысы министрлердин азык-түлүк коопсуздугун камсыздоо тууралуу иштерин сынга алды.
БИШКЕК, 24-мар. — Sputnik. Эртең өлкөдө өсүмдүк май калбай калса керт башыңар менен жооп бересиңер. Министрлер кабинетинин төрагасынын күч түзүмдөрү боюнча орун басары, УКМК төрагасы Камчыбек Ташиев үч министрге катуу тапшырма берди.
Ал бүгүн өкмөттүн антикризистик чаралар жөнүндө жыйынында сүйлөп, министрлердин азык-түлүк коопсуздугун камсыздоо тууралуу иштерин сынга алды.

"Келгиле, асмандан жерге түшүп... Өлкөнүн азык-түлүк коопсуздугун толугу менен камсыздай аларыбызды элге дароо жарыялаш керек. Кандай жол менен? Иш-чаралардын планын чыгаргыла, себеби өлкөдө тартыштык жок экенин ар бири билиши керек. Финансы министри, экономика жана коммерция министри, өзгөчө кырдаалдар министри, керт башыңар менен жооп бересиңер. Бизде канча ун, май, кумшекер бар, каяктан алса болот, божомолдор тууралуу айткыла. Алдын ала иштегиле, балдар! Эртең май жок калды деп отурбайлы. Буга ким жооптуу болсо күн мурунтан келишимдерди түзүп, бардык өнөктөштөрүңөр менен иштегиле. Эгер азык-түлүк коопсуздугу тууралуу кандайдыр бир маселе жаралса, ушул үч министр керт башыңар менен жооп бересиңер! Тынымсыз кыймылдагыла, чыккыла, иштегиле!" — деп кайрылды Ташиев.

Ошондой эле ал мындай тынч эмес кырдаалда өлкөдө азык-түлүк коопсуздугун камсыздоо эң негизги маселе экенин белгилеп, башкасын акырындык менен чечсе болорун айтты.
Күч түзүмдөрүнүн кызматкерлери. Архив - Sputnik Кыргызстан, 1920, 24.03.2022
1-апрелде күч түзүмдөрүнүн маянасы көтөрүлбөйт. Жапаров Ташиевге жооп берди
УКМК төрагасы Камчыбек Ташиев. Архив - Sputnik Кыргызстан, 1920, 24.03.2022
Ташиев: Баткенден ары 1 кг да азык-түлүк өтпөсүн, чек арага тирүү калкан болгула!
Жаңылыктар түрмөгү
0