Акылбек Жапаров: экономикабыз эми Кытай, Индия, Өзбекстан тарапка багыт алат

© Фото / Пресс-служба правительства / Алишер АлиевМинистрлер кабинетинин төрагасы Акылбек Жапаров
Министрлер кабинетинин төрагасы Акылбек Жапаров - Sputnik Кыргызстан, 1920, 24.03.2022
Жазылуу
Өкмөт башчы өлкө рыногунун көлөмүн кеңейтүү боюнча иштер жасалып жатканын белгиледи.
БИШКЕК, 24-мар. — Sputnik. Кыргызстандын экономикасы мындан ары Кытай, Индия, Өзбекстан тарапка багыт алат. Бул туурасында министрлер кабинетинин төрагасы Акылбек Жапаров билдирди.
"Биздин экономиканын өсүшүнө бут тосуп жаткан тоскоолдуктарды алып салып, башкача жол менен алдыга жылабыз. Кытай, Индия, Өзбекстан тарапка багыт алабыз. Өлкө рыногунун көлөмүн кеңейтебиз. Энергетиканын жаңы кубаттуулугун киргизебиз", — деди өкмөт башчы.
Ошондой эле ал кайсы бир жылдары өлкө экономикасынын өсүшү 18 пайызга жетип, завод, фабрикалар курулуп, Токтогул ГЭСи жана башка стратегиялык объектилер салынганын айтты. Алар муну менен кийинки муунга жаратмандык эстелигин тургузуп кетишкенин белгиледи.
"Бизге да жаңыны жаратуу, куруу убактысы келди. Анүчүн мамлекет башчысынын саясий эрки, профессионалдуу командасы бар", — деди Жапаров.
Аны менен катар жакын арада мамлекет өз каражатына Камбар-Ата-1 ГЭСинин курулушун баштай турганын кошумчалады.
УКМК төрагасы Камчыбек Ташиев. Архив - Sputnik Кыргызстан, 1920, 24.03.2022
Керт башыңар менен жооп бересиңер! Ташиев үч министрге катуу эскертти
Жаңылыктар түрмөгү
0