9-кызматтын жоокерлери Араб Эмирлигиндеги таймашта мыкты ондукка кирди. Видео

© Sputnik / Табылды КадырбековАтайын багыттары аскер кызматкерлери машыгуу учурунда. Архив
Атайын багыттары аскер кызматкерлери машыгуу учурунда. Архив - Sputnik Кыргызстан, 1920, 23.03.2022
Жазылуу
Жалпысынан 22 өлкөдөн 34 күчтүү команда катышып, жоокерлер кесипкөйлүгүн, чыдамкайлыгын, ыкчамдыгын сынаган.
БИШКЕК, 23-март. — Sputnik. Улуттук коопсуздук мамлекеттик комитеттин 9-кызматынын атайын даярдыктагы жоокерлеринен турган Кыргызстандын курама командасы Дубайда өткөн UAE SWAT Challenge-2022 эл аралык мелдешинде 8-орунду ээледи. Бул туурасында УКМКнын маалымат кызматынан кабарлашты.
Мелдешке АКШ, Россия, Франция, Бразилия, Таиланд, Пакистан, Сербия, Сауд Аравия Королдугу сыяктуу мамлекеттердин атайын багыттагы командалары катышкан. Жалпысынан 22 өлкөдөн 34 күчтүү команда катышып, кесипкөйлүгүн, чыдамкайлыгын, ыкчамдыгын сынаган.
Дубай полициясы уюштурган иш-чарада жеңүүчүлөр тактикалык машыгуулар, чабуулдар, куткаруу иштери жана тоскоолдуктардан өтүү боюнча болгон.
Мелдеште жоокерлер шарттуу жарадар болгон жолдошторду эвакуациялоо боюнча командалык тапшырмага да зор маани берилип, бардык сыноолор кемчиликсиз гана эмес, мүмкүн болушунча убакытка байланыштуу тезирээк өтүшү керектиги каралган.
Адистердин айтымында, мындай эл аралык мелдештер атайын даярдыктагы аскерлер үчүн зарыл жана пайдалуу болмокчу. Анын ичинде атайын күчтөр тажрыйба алмашууга, коопсуздукту камсыздоонун заманбап ыкмаларын изилдөөгө шарт түзөрү айтылды.
Жаңылыктарды кыска жана ыкчам окугуңуз келсе Telegram каналыбызга катталыңыз.
Альфа, Шумкар, Скорпион”… Эң сырдуу кызматтар тууралуу баяндайбыз  - Sputnik Кыргызстан, 1920, 29.07.2020
"Альфа", "Шумкар", "Скорпион”… Эң сырдуу кызматтар тууралуу баян
Жаңылыктар түрмөгү
0