Открытие редакционного центра Sputnik Кыргызстан в Бишкеке - Sputnik Кыргызстан, 1920, 20.12.2021
Пресс-борбор

Адис: Кыргызстандын токойлору Орто Азиянын оазиси

© Фото / Геннадий ЗакировЫсык-Ата капчыгайы. Архив
Ысык-Ата капчыгайы. Архив - Sputnik Кыргызстан, 1920, 22.03.2022
Жазылуу
Yandex newsTelegram
Айыл чарба министрлиги жылдан жылга абанын температурасынын жогорулашы токойлордун жана биологиялык ар түрдүүлүктүн азайышына алып келиши мүмкүн экенин билдирген. Экологдор эмитен эле чөлгө айлануу тенденциясы бар экенин айтууда.
БИШКЕК, 22-мар. — Sputnik. Кыргызстандын токойлору Орто Азиянын оазиси болуп эсептелет. Бул тууралуу токой ресурстарын туруктуу башкаруу бөлүмүнүн башчысы Майрамбек Алиев билдирди.
© Sputnik / Табылды КадырбековТокой ресурстарын туруктуу башкаруу бөлүмүнүн башчысы Майрамбек Алиев
Заведующий отделом устойчивого управления лесными ресурсами Министерства сельского, водного хозяйства и развития регионов Майрамбек Алиев - Sputnik Кыргызстан, 1920, 22.03.2022
Токой ресурстарын туруктуу башкаруу бөлүмүнүн башчысы Майрамбек Алиев
Ал Sputnik Кыргызстан агенттигинин маалымат борборунда өткөн "Кыргызстанда токойлорду жана биологиялык ар түрдүүлүктү жоготуп алуу коркунучу барбы? Экологияны коргоо жөнүндө" аттуу брифингге катышты.
Журналист адиске "Кыргызстандын токойлору Орто Азия үчүн кандай мааниге ээ?" деген суроо берген.
"Кыргызстандын токойлору Орто Азия боюнча оазис деп айтылат. Себеби биздин токойлор Нарын сыяктуу ири дарыялардын башында жайгашкан. Алардын жанынан чыккан сууну коңшу өлкөлөр пайдаланышат. Мааниси өтө чоң", — деди адис.
Ошондой эле ал Кыргызстандагы токойлордун канча пайызы жапайы өскөнүнө токтолду.
"Ушул тапта табигый жол менен өскөндөр жалпы токойлордун алты пайызын түзөт. Калгандары отургузулган. 1950-жылдардан берки маалыматты алсак, 75-80 миң гектардын айланасында кол менен тигилген токойлорду өстүрдүк", — деди Алиев.
Адистин пикиринде, токойду көбөйтүү боюнча жогорудагы эки жолуна тең көңүл бурулушу керек.
Белгилей кетсек, Айыл чарба министрлиги жылдан жылга абанын температурасынын жогорулашы токойлордун жана биологиялык ар түрдүүлүктүн азайышына алып келиши мүмкүн экенин билдирген. Экологдор эмитен эле чөлгө айлануу тенденциясы бар экенин айтууда.
В Орто-Токойское водохранилище выпущены мальки рыб - Sputnik Кыргызстан, 1920, 16.03.2022
Орто-Токой суу сактагычына балыктын 900 миң чабагы коё берилди. Видео
Жаңылыктар түрмөгү
0