https://sputnik.kg/20220318/uluttuk-bankynyn-altyn-valyutalyk-rezervi-1062934952.html
Улуттук банктын алтын-валюталык резерви тууралуу эмне белгилүү? Сереп
Улуттук банктын алтын-валюталык резерви тууралуу эмне белгилүү? Сереп
Sputnik Кыргызстан
Улуттук банктын эл аралык резерви 11 валюта түрүнөн, алтын жана башка активдерден, анын ичинде баалуу кагаздардан турат. Акыркы күндөрү Россиянын Борбордук... 18.03.2022, Sputnik Кыргызстан
2022-03-18T10:51+0600
2022-03-18T10:51+0600
2022-03-18T10:55+0600
улуттук банк
кыргызстан
акча
валюта
резерв
алтын
https://sputnik.kg/img/07e6/03/11/1062919723_127:0:2434:1298_1920x0_80_0_0_888fb8e52e691f2e74a49b5ccea4ac51.jpg
Мындан улам Sputnik Кыргызстан Улуттук банкка кайрылып, республиканын башкы каржылык жөнгө салуучусунун эл аралык (алтын-валюталык) резерви тууралуу сурап көрдү.Эске салсак, бул резерв сомдун туруктуулугу, ошону менен бирге эле чет элдик валюталардын курсун жөнгө салуу жана ички рынокту каныктыруу үчүн зарыл.Көлөмү канча?КР Улуттук банкынын алтын-валюталык резервинин көлөмү 2022-жылдын 7-мартында 2,7 миллиард доллардан ашуун каражатты түзгөн.Бул канчага жетет?Улуттук банктын маалыматында, бул импортко карата жарым жылдык керектөөнү жабууга жетет.Кыргыз Республикасынын эл аралык валюталык резерви кайсы валюталардан жана активдерден турат?Резервдер алтын жана карыз алуунун атайын укуктарынан (Эл аралык валюталык фондунун жасалма резервдик жана төлөм каражаты) турат. Ошондой эле буларды камтыган валюталык топтом бар:Резервдердин түзүмү эмнеден көз каранды?КР Улуттук банкынын эл аралык резервдеринин валюталык топтомунун түзүмү аталган органдын эл аралык резервдерди тескөө боюнча инвестициялык саясаты менен аныкталат.Ал эң оболу өлкөнүн тышкы карызынын түзүмүнө жана КР өкмөтү, Улуттук банкынын тышкы милдеттенмелерине жараша түптөлөт.Жөнөкөйлөштүрүп түшүндүрсөк, резервдерде өлкө тышкы карыздарын (алардын баары чет өлкөлүк валюталарда) төлөй ала турган валюталар бар. Ошондой эле эл аралык резервдердин валюталык структурасы дүйнөлүк экономиканын өнүгүшү жана эл аралык каржылык рыноктордогу кырдаалга жараша түптөлөт.Резервдер кайда сакталат?Улуттук банк эл аралык резервдерди жогорку ынанымдуулуктагы жана ликвиддүү инструменттерде: баалуу кагаз, мөөнөттүү аманат, ошондой эле бир күндүк мөөнөттөрдөгү РЕПО операцияларына салат.Баалуу кагаздар топтому өнүккөн өлкөлөрдүн мамлекеттик баалуу кагаздарын, эл аралык каржылык институттардын кыска жана орто мөөнөттүк инвестициялык инструменттерин камтыйт.Мөөнөттүү аманаттар эл аралык аброю жогору болгон каржылык институт, чет өлкөлүк борбордук жана коммерциялык банктарга жайгаштырылат.Ошону менен катар эле бир топ, атап айтканда, өлкөнүн тышкы милдеттенмелеринин структурасы (тышкы карыз боюнча өкмөт менен Улуттук банктын чет өлкөлүк валютадагы төгүмдөрү, ошондой эле чет жердеги КР өкүлчүлүгүн каржылоо сыяктуу министрлер кабинетинин төлөмдөрү), ички валюталык рынок, геосаясий факторлор, анан, албетте, дүйнөлүк экономиканын абалы жана ага божомол эске алынат.
https://sputnik.kg/20220312/ehlkarttyn-artykchylygy-1062782718.html
https://sputnik.kg/20220316/kyrgyzstan-bank-kredit-stavka-ostu-1062897803.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Бакыт Толканов
https://sputnik.kg/img/103366/65/1033666557_2428:306:4271:2149_100x100_80_0_0_35e2fb3f6a1b1ee53628b6d6f79d46b1.jpg
Бакыт Толканов
https://sputnik.kg/img/103366/65/1033666557_2428:306:4271:2149_100x100_80_0_0_35e2fb3f6a1b1ee53628b6d6f79d46b1.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Бакыт Толканов
https://sputnik.kg/img/103366/65/1033666557_2428:306:4271:2149_100x100_80_0_0_35e2fb3f6a1b1ee53628b6d6f79d46b1.jpg
улуттук банк, кыргызстан, акча, валюта, резерв, алтын
улуттук банк, кыргызстан, акча, валюта, резерв, алтын
Улуттук банктын алтын-валюталык резерви тууралуу эмне белгилүү? Сереп
10:51 18.03.2022 (Жаңыртылды: 10:55 18.03.2022) Улуттук банктын эл аралык резерви 11 валюта түрүнөн, алтын жана башка активдерден, анын ичинде баалуу кагаздардан турат. Акыркы күндөрү Россиянын Борбордук банкынын алтын-валюталык резервинин түзүмү жана алардын бир бөлүгүнүн тоңдурулушу кеңири талкууга алынууда.
Мындан улам Sputnik Кыргызстан Улуттук банкка кайрылып, республиканын башкы каржылык жөнгө салуучусунун эл аралык (алтын-валюталык) резерви тууралуу сурап көрдү.
Эске салсак, бул резерв сомдун туруктуулугу, ошону менен бирге эле чет элдик валюталардын курсун жөнгө салуу жана ички рынокту каныктыруу үчүн зарыл.
КР Улуттук банкынын алтын-валюталык резервинин көлөмү 2022-жылдын 7-мартында 2,7 миллиард доллардан ашуун каражатты түзгөн.
Улуттук банктын маалыматында, бул импортко карата жарым жылдык керектөөнү жабууга жетет.
Кыргыз Республикасынын эл аралык валюталык резерви кайсы валюталардан жана активдерден турат?
Резервдер алтын жана карыз алуунун атайын укуктарынан (Эл аралык валюталык фондунун жасалма резервдик жана төлөм каражаты) турат. Ошондой эле буларды камтыган валюталык топтом бар:
Резервдердин түзүмү эмнеден көз каранды?
КР Улуттук банкынын эл аралык резервдеринин валюталык топтомунун түзүмү аталган органдын эл аралык резервдерди тескөө боюнча инвестициялык саясаты менен аныкталат.
Ал эң оболу өлкөнүн тышкы карызынын түзүмүнө жана КР өкмөтү, Улуттук банкынын тышкы милдеттенмелерине жараша түптөлөт.
"Башкача айтканда, валюталык түзүмдү түптөөдө өлкөнүн тышкы милдеттенмелери боюнча тийиштүү ликвиддүүлүгү камсыздалат", — деди Улуттук банктан.
Жөнөкөйлөштүрүп түшүндүрсөк, резервдерде өлкө тышкы карыздарын (алардын баары чет өлкөлүк валюталарда) төлөй ала турган валюталар бар. Ошондой эле эл аралык резервдердин валюталык структурасы дүйнөлүк экономиканын өнүгүшү жана эл аралык каржылык рыноктордогу кырдаалга жараша түптөлөт.
12 Жалган Куран 2022, 12:35
Резервдер кайда сакталат?
Улуттук банк эл аралык резервдерди жогорку ынанымдуулуктагы жана ликвиддүү инструменттерде: баалуу кагаз, мөөнөттүү аманат, ошондой эле бир күндүк мөөнөттөрдөгү РЕПО операцияларына салат.
Баалуу кагаздар топтому өнүккөн өлкөлөрдүн мамлекеттик баалуу кагаздарын, эл аралык каржылык институттардын кыска жана орто мөөнөттүк инвестициялык инструменттерин камтыйт.
Мөөнөттүү аманаттар эл аралык аброю жогору болгон каржылык институт, чет өлкөлүк борбордук жана коммерциялык банктарга жайгаштырылат.
"Эл аралык резервдерди башкаруу боюнча чечимдер рыноктогу жагдайга жараша кабыл алынат. Муну менен Улуттук банк борбордук банктын максаттары жана функцияларынан улам рыноктун конъюнктурасынын кыска мөөнөттүк өзгөрүүлөрүндөгү чайкоочулук (спекулятивдик) операцияларды жүргүзбөйт. Узак мөөнөттүк милдеттерди карап, ошол эле учурда тышкы чөйрөдөгү өзгөрүүлөргө өз убагында чара көрөт", — деди өлкөнүн улуттук банкынан.
Ошону менен катар эле бир топ, атап айтканда, өлкөнүн тышкы милдеттенмелеринин структурасы (тышкы карыз боюнча өкмөт менен Улуттук банктын чет өлкөлүк валютадагы төгүмдөрү, ошондой эле чет жердеги КР өкүлчүлүгүн каржылоо сыяктуу министрлер кабинетинин төлөмдөрү), ички валюталык рынок, геосаясий факторлор, анан, албетте, дүйнөлүк экономиканын абалы жана ага божомол эске алынат.
16 Жалган Куран 2022, 18:58
