https://sputnik.kg/20220315/talib-ayyl-charba-azyk-rossiya-eksport-zhardam-1062849518.html
Талибдер айыл чарба азыктарын Россияга экспорттоого Кыргызстандан жардам сурады
Талибдер айыл чарба азыктарын Россияга экспорттоого Кыргызстандан жардам сурады
Sputnik Кыргызстан
Министр Улуу жана Кичи Памирде жашаган этникалык кыргыздардын жыргалчылыгы үчүн ооруканаларды жана мектептерди куруу аркылуу Бадахшан облусун биргеликте... 15.03.2022, Sputnik Кыргызстан
2022-03-15T12:45+0600
2022-03-15T12:45+0600
2022-03-15T12:46+0600
кыргызстан
саясат
афганистан
руслан казакбаев
россия
айыл чарба
экспорт
транзит
https://sputnik.kg/img/07e6/03/0f/1062848976_0:112:1200:787_1920x0_80_0_0_2e43b8b6abf659c3aa82e167105ab029.jpg
БИШКЕК, 15-мар. — Sputnik. Афганистан Кыргызстандын транзиттик мүмкүнчүлүктөрүн эске алуу менен Афганистандын айыл чарба продукциясын Россиянын рыногуна экспорттоого көмөк көрсөтүүнү өтүндү. Бул тууралуу Тышкы иштер министрлиги жарыялаган маалыматта айтылат.Белгилей кетсек, Анталья дипломатиялык форумунун алкагында Афганистан тараптын демилгеси менен Кыргыз Республикасынын тышкы иштер министри Руслан Казакбаевдин Афганистандын тышкы иштер министринин милдетин аткаруучу Амир Хан Моттаки менен жолугушуусу болуп өткөн.Анда Амир Хан Моттаки континенттин Түндүгү менен Түштүгүн байланыштырган соода жолдорун түзүүнү сунуштап, Кыргызстандын кызыкчылыгын жана транзиттик мүмкүнчүлүктөрүн эске алып Афганистандын айыл чарба продукциясын Россиянын рыногуна экспорттоого көмөк көрсөтүүнү өтүнгөн.Мындан тышкары, афган тарап Борбордук Азия өлкөлөрү менен Афганистандын ортосундагы аймактык кызматташтыкты чыңдоо мүмкүнчүлүгүн карап чыгууну жана кийин региондун өлкөлөрүнүн ортосунда ротациялоо менен Кабулда коопсуздук маселелери боюнча конференция өткөрүүнү сунуштады.Ал эми Руслан Казакбаев Кыргызстан Афганистан менен коңшулук мамилелерди өнүктүрүүгө умтулуп, Афганистандын ички иштерине кийлигишпөө принцибин дайыма карманып келерин жана өз өлкөсүнүн келечегин аныктоодо афган элинин укугун урматтай тургандыгын белгилеген.Министр башка мамлекеттердин Афганистан боюнча бардык тынчтык жана гуманитардык демилгелерин кубаттап, өлкөнүн стабилдүүлүгүнө, экономикалык өсүшүнө жана гүлдөп-өнүгүшүнө кызыкдар экенин билдирип, афган тарапты эл аралык коомчулук менен кызматташууга чакыра кеткен.Казакбаев ошондой эле Афганистанга электр энергиясын жеткирүү боюнча CASA-1000 долбоорун ишке ашыруу, региондун бардык өлкөлөрүнүн ортосундагы транзиттик-транспорттук потенциалды практикалык жактан өнүктүрүү жана толук пайдалануу маселелери өзгөчө актуалдуу болуп жаткандыгына афган тараптын көңүлүн бурган.
https://sputnik.kg/20220311/un-kumsheker-rossiya-eaehb-1062748508.html
афганистан
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, саясат, афганистан, руслан казакбаев, россия, айыл чарба, экспорт, транзит
кыргызстан, саясат, афганистан, руслан казакбаев, россия, айыл чарба, экспорт, транзит
Талибдер айыл чарба азыктарын Россияга экспорттоого Кыргызстандан жардам сурады
12:45 15.03.2022 (Жаңыртылды: 12:46 15.03.2022) Министр Улуу жана Кичи Памирде жашаган этникалык кыргыздардын жыргалчылыгы үчүн ооруканаларды жана мектептерди куруу аркылуу Бадахшан облусун биргеликте өнүктүрүү боюнча долбоорду ишке ашырууну дагы сунуштаган.
БИШКЕК, 15-мар. — Sputnik. Афганистан Кыргызстандын транзиттик мүмкүнчүлүктөрүн эске алуу менен Афганистандын айыл чарба продукциясын Россиянын рыногуна экспорттоого көмөк көрсөтүүнү өтүндү. Бул тууралуу Тышкы иштер министрлиги жарыялаган маалыматта айтылат.
Белгилей кетсек, Анталья дипломатиялык форумунун алкагында Афганистан тараптын демилгеси менен Кыргыз Республикасынын тышкы иштер министри Руслан Казакбаевдин Афганистандын тышкы иштер министринин милдетин аткаруучу Амир Хан Моттаки менен жолугушуусу болуп өткөн.
Анда Амир Хан Моттаки континенттин Түндүгү менен Түштүгүн байланыштырган соода жолдорун түзүүнү сунуштап, Кыргызстандын кызыкчылыгын жана транзиттик мүмкүнчүлүктөрүн эске алып Афганистандын айыл чарба продукциясын Россиянын рыногуна экспорттоого көмөк көрсөтүүнү өтүнгөн.
"Афганистандын тышкы иштер министринин милдетин аткаруучу 2021-жылдын сентябрь жана октябрь айларында Афганистан элине гуманитардык жардам көрсөткөндүгү үчүн кыргыз тарапка ыраазычылык билдирди. Бул контекстте ал Бадахшан аймагынын жергиликтүү калкынын, анын ичинде Афганистандын Улуу жана Кичи Памиринде жашаган этникалык кыргыздардын жыргалчылыгы үчүн ооруканаларды жана мектептерди куруу аркылуу Бадахшан облусун биргеликте өнүктүрүү боюнча долбоорду ишке ашырууну сунуштады", — деп айтылат маалыматта.
Мындан тышкары, афган тарап Борбордук Азия өлкөлөрү менен Афганистандын ортосундагы аймактык кызматташтыкты чыңдоо мүмкүнчүлүгүн карап чыгууну жана кийин региондун өлкөлөрүнүн ортосунда ротациялоо менен Кабулда коопсуздук маселелери боюнча конференция өткөрүүнү сунуштады.
Ал эми Руслан Казакбаев Кыргызстан Афганистан менен коңшулук мамилелерди өнүктүрүүгө умтулуп, Афганистандын ички иштерине кийлигишпөө принцибин дайыма карманып келерин жана өз өлкөсүнүн келечегин аныктоодо афган элинин укугун урматтай тургандыгын белгилеген.
Министр башка мамлекеттердин Афганистан боюнча бардык тынчтык жана гуманитардык демилгелерин кубаттап, өлкөнүн стабилдүүлүгүнө, экономикалык өсүшүнө жана гүлдөп-өнүгүшүнө кызыкдар экенин билдирип, афган тарапты эл аралык коомчулук менен кызматташууга чакыра кеткен.
"Казакбаев баңгизатка каршы күрөшүүнү улантууга жана эл аралык террордук топтордун Афганистандын аймагын коңшу өлкөлөргө, региондун өлкөлөрүнө жана бүтүндөй дүйнө өлкөлөрүнө каршы пайдалануусуна жол бербөө боюнча жаңы афган бийлиги тарабынан кабыл алынган аракеттерди кубаттады", — деп айтылат маалыматта.
Казакбаев ошондой эле Афганистанга электр энергиясын жеткирүү боюнча CASA-1000 долбоорун ишке ашыруу, региондун бардык өлкөлөрүнүн ортосундагы транзиттик-транспорттук потенциалды практикалык жактан өнүктүрүү жана толук пайдалануу маселелери өзгөчө актуалдуу болуп жаткандыгына афган тараптын көңүлүн бурган.
11 Жалган Куран 2022, 00:33
