Талантбеков: маала деген көөнө сөздү эки мааниде колдонсо болот
Жазылуу
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздүн маанисин чечмелеп берди.
Эпостогу маала деген көөнө сөздү өтмө жана түз мааниде колдонсо болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Талантбеков: маала деген көөнө сөздү эки мааниде колдонсо болот
Анын айтымында, көөнө сөздөрдүн көпчүлүгү "Манас" эпосунда кездешет.
"Колдонулбай калган көөнө сөздөрдүн арасында маала деген бар. Аны түз жана өтмө мааниде түшүнүүгө болот. Алсак, "Манас" эпосунда аталган сөз айыл, кыштак, чөйрө, айлана, жакын арада деген мааниде окуянын жүрүшүнө жараша колдонулат. Ал эми кыйыр маанисинде маала деген жакыны, күйөрү, ынагы катары айтылган учурлар кездешет. Маселен, Манастагы Көкөтөйдүн ашында, Букардын окуясында, Кытай шаарларын сүрөттөөдө маанисине жараша колдонулат", — деди Талантбеков.
Ошондой эле ал тилди байытуу үчүн көөнө сөздөрдү күнүмдүк турмушта колдонуу зарылдыгын кошумчалады.
