Байсалов: Кыргызстандын БУУга дагы 3000 жыл мүчө болуп калуу ниети бар

© Пресс-служба правительства / Алишер АлиевМинистрлер кабинетинин төрагасынын орун басары Эдил Байсалов. Архивдик сүрөт
Министрлер кабинетинин төрагасынын орун басары Эдил Байсалов. Архивдик сүрөт - Sputnik Кыргызстан, 1920, 02.03.2022
Жазылуу
Yandex newsTelegram
Вице-премьер Кыргызстандагы БУУнун агенттиктеринин буга чейинки иштериндеги ийкемдүүлүгүн баалаган.
БИШКЕК, 2-мар. — Sputnik. Кыргызстан эли өзүнүн көз карандысыздыгын, мамлекеттүүлүгүн баалайт жана Бириккен Улуттар Уюмуна алдыдагы 3000 жылда да мүчө болуу ниети бар. Бул тууралуу министрлер кабинетинин төрагасынын орун басары Эдил Байсалов 2023-2027-жылдагы туруктуу өнүгүү жаатында БУУнун алкактык программаларынын кызматташуусунун бет ачарында сүйлөп жатып айткан.
"Биздин мамлекет 30 жылдан бери БУУнун мүчөсү болуп келе жатат жана бул мезгилде жарандардын жаңы мууну өсүп чыкты. Биз сыймыктуу, алдыга ишеним менен караган өлкөбүз. Калктын үчтөн эки бөлүгү 30 жаштан ылдыйкы курактагылар. Андыктан 30 жылдык көз карандысыздыктын тажрыйбасын эске алып, элибиз өзүнүн эркиндигин, мамлекеттүүлүгүн баалай турганын жана Бириккен Улуттар Уюмуна алдыдагы 3000 жылда да мүчө болуп калуу ниети бар экендигин белгилеп кетмекчимин", — деген Байсалов.
Ал БУУнун Кыргызстандагы агенттиктеринин буга чейинки иштериндеги ийкемдүүлүгүн, биринчи кезекте өлкөнүн туруктуу өнүгүү программаларына колдоо көрсөтүп келгендигин баалаган.
Бүгүн министрлер кабинетинин башчысынын, мүчөлөрүнүн жана БУУ системасындагы бардык кеңселеринин өкүлдөрүнүн катышуусунда ЮНДАФтын стратегиялык координациялык комитетинин жыйыны өтүп жатат.
Министрлер кабинетинин төрагасынын орун басары Эдил Байсалов. Архив - Sputnik Кыргызстан, 1920, 15.02.2022
Эдил Байсалов БУУ структурасындагы кызматка дайындалды
Жаңылыктар түрмөгү
0