https://sputnik.kg/20220227/el-artisti-dirizher-sagynbek-akmataliev-duyno-saldy-1062429878.html
Эл артисти, дирижёр Сагынбек Акматалиев дүйнөдөн кайтты. Некролог
Эл артисти, дирижёр Сагынбек Акматалиев дүйнөдөн кайтты. Некролог
Sputnik Кыргызстан
Акматалиев кыргыз улуттук музыкасынын өнүгүп-өсүшүнө өзүнүн бараандуу салымын кошкон. 200гө чукул ыр-күүлөрдү иштеп чыгып, оркестрге салган. 27.02.2022, Sputnik Кыргызстан
2022-02-27T19:20+0600
2022-02-27T19:20+0600
2022-02-27T19:21+0600
кыргызстан
некролог
дирижер
эл артисти
сагынбек акматалиев
https://sputnik.kg/img/07e5/03/03/1051656026_0:223:3072:1951_1920x0_80_0_0_f2d58e98de1579a9721b0bb8ea1712b4.jpg
БИШКЕК, 27-фев. — Sputnik. Кыргыз Республикасынын эл артисти, белгилүү дирижёр Сагынбек Акматалиев 70 жаш курагында дүйнөдөн кайтты.Президенттик администрация некролог таратып, маркумдун үй-бүлөсүнө, досторуна жана жакындарына көңүл айтты.Сагынбек Акматалиев 1952-жылы 1-декабрда Сокулук районуна караштуу Асылбаш айылында туулган.1967-жылы Муратаалы Күрөңкөев атындагы музыкалык окуу жайында, 1972-1976-жылдары Бүбүсара Бейшеналиева атындагы Искусство институтунда, андан соң 2005-жылы Оркестрдин дирижёру факультетинин профессор Насыр Давлесовдун классында окуп, артыкчылык диплому менен аяктаган.1970-жылы окуп жүргөн кезинде Карамолдо Орозов атындагы эл аспаптар оркестринде музыкант-кыякчы катары эмгектенген. Кийин оркестрдин концертмейстери, "Атай" атындагы комузчулар ансамблинин жетекчиси болуп иштеп, дүйнөнүн көптөгөн мамлекеттеринде гастролдо болгон.2005-жылы улуу дирижёр Асанкан Жумакматов жана Эсенгул Жумабаевдердин сунуштамасы жана оркестрдин жамаатынын чечими менен оркестрге башкы дирижёр жана көркөм жетекчи болуп дайындалган. 2022-жылдын 1-февралына чейин эл аспаптар оркестринин көркөм жетекчиси, башкы дирижёру болуп эмгектенип келген.Оркестрдин жана комузчулар ансамблинин курамында көптөгөн союздук жана эл аралык конкурс-фестивалдардын катышуучусу жана лауреаты болгон.Чебер комузчу-кыякчы катары эле эмес, аранжировщик катарында кеңири белгилүү болуп, эки жолу "Жылдын мыкты аранжировщиги" наамына татыган. Ал оркестр үчүн "Арман" (Түгөлбай Казаков), "Сагындым туулган жер сени" (Рыспай Абдыкадыров), "Үзүлбөгөн үмүттөр" (Сардарбек Жумалиев) жана ошондой эле Арзыбек Бедияровдун, Эсенбек Мааданбековдун, Асанкалый Керимбаевдин, Каныкей Эралиеванын, Атайбек Бөдөшовдун, Насыр Давлесовдун, Сталбек Бактыгуловдун, Турдубек Чокиевдин жана башка обончу-композиторлордун чыгармаларын иштеп чыккан. Андан сырткары Нурак Абдрахмановдун "Соң-Көл” баяны, "Алтын балалык", Шекербек Шеркуловдун "Жүрөк толкуйт", "Эргиме", Атай Огонбаевдин "Маш Камбаркан", Атайбек Бөдөшовдун "Заман закымдары", "Бекназар баатыр арманы", ошондой эле комуз менен кыл-кыяк оркестр үчүн Руслан Жумабаевдин "Эрке-Сары", элдик күү "Келиндердин эрке күү", Бекмуратовдун "Тоң жылкысы" сыяктуу жана башка күүлөрдү да салган.Автор катары "Кыл кыяк" жана оркестр үчүн "Концертино", комузчулар ансамбли жана оркестр үчүн "Селкинчек", "Рыспайга таазим" аттуу кыяк жана оркестр үчүн вариацияларды жазган.Сагынбек Акматалиевдин кыргыз улуттук музыкасынын өнүгүп-өсүшүнө кошкон салымы жогору бааланып:
https://sputnik.kg/20211225/khudyakovgo-zhazylgan-nekrolog-1060730474.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, некролог, дирижер, эл артисти, сагынбек акматалиев
кыргызстан, некролог, дирижер, эл артисти, сагынбек акматалиев
Эл артисти, дирижёр Сагынбек Акматалиев дүйнөдөн кайтты. Некролог
19:20 27.02.2022 (Жаңыртылды: 19:21 27.02.2022) Акматалиев кыргыз улуттук музыкасынын өнүгүп-өсүшүнө өзүнүн бараандуу салымын кошкон. 200гө чукул ыр-күүлөрдү иштеп чыгып, оркестрге салган.
БИШКЕК, 27-фев. — Sputnik. Кыргыз Республикасынын эл артисти, белгилүү дирижёр Сагынбек Акматалиев 70 жаш курагында дүйнөдөн кайтты.
Президенттик администрация некролог таратып, маркумдун үй-бүлөсүнө, досторуна жана жакындарына көңүл айтты.
"Кыргыз Республикасынын эл артисти Сагынбек Акматалиевдин жаркын элеси биздин жүрөгүбүздө түбөлүккө сакталат. Анын үй-бүлөсүнө жана жакындарына терең кайгыруу менен көңүл айтып, аза-кайгысына ортоктош болуп, тең бөлүшөбүз", — деп айтылган некрологдо.
Сагынбек Акматалиев 1952-жылы 1-декабрда Сокулук районуна караштуу Асылбаш айылында туулган.
1967-жылы Муратаалы Күрөңкөев атындагы музыкалык окуу жайында, 1972-1976-жылдары Бүбүсара Бейшеналиева атындагы Искусство институтунда, андан соң 2005-жылы Оркестрдин дирижёру факультетинин профессор Насыр Давлесовдун классында окуп, артыкчылык диплому менен аяктаган.
1970-жылы окуп жүргөн кезинде Карамолдо Орозов атындагы эл аспаптар оркестринде музыкант-кыякчы катары эмгектенген. Кийин оркестрдин концертмейстери, "Атай" атындагы комузчулар ансамблинин жетекчиси болуп иштеп, дүйнөнүн көптөгөн мамлекеттеринде гастролдо болгон.
2005-жылы улуу дирижёр Асанкан Жумакматов жана Эсенгул Жумабаевдердин сунуштамасы жана оркестрдин жамаатынын чечими менен оркестрге башкы дирижёр жана көркөм жетекчи болуп дайындалган. 2022-жылдын 1-февралына чейин эл аспаптар оркестринин көркөм жетекчиси, башкы дирижёру болуп эмгектенип келген.
Оркестрдин жана комузчулар ансамблинин курамында көптөгөн союздук жана эл аралык конкурс-фестивалдардын катышуучусу жана лауреаты болгон.
Чебер комузчу-кыякчы катары эле эмес, аранжировщик катарында кеңири белгилүү болуп, эки жолу "Жылдын мыкты аранжировщиги" наамына татыган. Ал оркестр үчүн "Арман" (Түгөлбай Казаков), "Сагындым туулган жер сени" (Рыспай Абдыкадыров), "Үзүлбөгөн үмүттөр" (Сардарбек Жумалиев) жана ошондой эле Арзыбек Бедияровдун, Эсенбек Мааданбековдун, Асанкалый Керимбаевдин, Каныкей Эралиеванын, Атайбек Бөдөшовдун, Насыр Давлесовдун, Сталбек Бактыгуловдун, Турдубек Чокиевдин жана башка обончу-композиторлордун чыгармаларын иштеп чыккан. Андан сырткары Нурак Абдрахмановдун "Соң-Көл” баяны, "Алтын балалык", Шекербек Шеркуловдун "Жүрөк толкуйт", "Эргиме", Атай Огонбаевдин "Маш Камбаркан", Атайбек Бөдөшовдун "Заман закымдары", "Бекназар баатыр арманы", ошондой эле комуз менен кыл-кыяк оркестр үчүн Руслан Жумабаевдин "Эрке-Сары", элдик күү "Келиндердин эрке күү", Бекмуратовдун "Тоң жылкысы" сыяктуу жана башка күүлөрдү да салган.
Автор катары "Кыл кыяк" жана оркестр үчүн "Концертино", комузчулар ансамбли жана оркестр үчүн "Селкинчек", "Рыспайга таазим" аттуу кыяк жана оркестр үчүн вариацияларды жазган.
Сагынбек Акматалиевдин кыргыз улуттук музыкасынын өнүгүп-өсүшүнө кошкон салымы жогору бааланып:
1987-жылы — Кыргыз ССРинин Жогорку Советинин Ардак грамотасына;
1994-жылы "Кыргыз Республикасынын эмгек сиңирген артисти" ардактуу наамына;
2011-жылы "Кыргыз Республикасынын эл артисти" ардактуу наамына ээ болгон.
25 Бештин айы 2021, 16:02
