Мээрим Жуманазарова Түркиядагы эл аралык турнирде күмүш медаль утту

© Фото / United World WrestlingКыргызстандык балбан Мээрим Жуманазарова. Архив
Кыргызстандык балбан Мээрим Жуманазарова. Архив - Sputnik Кыргызстан, 1920, 25.02.2022
Жазылуу
Жуманазарова Токио Олимпиадасынын чейрек финалында дагы ушул атаандашына утулуп калган эле.
БИШКЕК, 25-фев. — Sputnik. Кыргызстандык балбан Мээрим Жуманазарова Түркияда өтүп жаткан Yasar Dogu эл аралык турниринде күмүш медалга ээ болду.
Ал финалда нигериялык Блессинг Оборудуду менен кез келип 3:0 эсебинде жеңилип калды. Жуманазарова пассивдүү күрөшкөнү үчүн атаандашына эки упай берилип, андан соң тегерек чийинден сүрүлүп чыгып дагы бир упай алдырып жиберди.
Натыйжада кыргызстандык спортчу күмүш медалга ээ болуп калды.
Ал жарым финалда эзелки атаандашы, россиялык Ханум Велиеваны жеңип, алтын үчүн күрөшүүгө жолдомо алган болчу.
Белгилей кетсек, Мээрим Жуманазарова былтыр Токио Олимпиадасынын чейрек финалында дал ушул Блессинг Оборудудуго утулуп калган эле.
Беделдүү эл аралык Yasar Dogu, Vehbi Emre & Hamit Kaplan турнири Түркиянын Стамбул шаарында өтүп жатат.
Кыргызстандык балбан Айпери Медет кызы. Архив - Sputnik Кыргызстан, 1920, 25.02.2022
Айпери Медет кызы Түркияда үч атаандашын катары менен жеңип, финалга чыкты. Видео
Кыргызстандык балбан Айсулуу Тыныбекова. Архив - Sputnik Кыргызстан, 1920, 25.02.2022
Айсулуу Тыныбекова Түркиядагы турнирде чыгары менен жеңилип калды
Жаңылыктар түрмөгү
0