https://sputnik.kg/20220223/sadyr-zhaparov-meken-korgoochulardyn-kunu-kuttuktoo-1062283461.html
Ата конушту коргоо ары сыймыктуу, ары жоопкерчиликтүү. Президенттин куттуктоосу
Ата конушту коргоо ары сыймыктуу, ары жоопкерчиликтүү. Президенттин куттуктоосу
Sputnik Кыргызстан
Садыр Жапаров дүйнө жүзү улам жаңы коркунучтарга туш болуп жаткан маалда аскерлер ар кандай кырдаалдарга жогорку деңгээлде даярдыкта болушу кажет экенин... 23.02.2022, Sputnik Кыргызстан
2022-02-23T10:38+0600
2022-02-23T10:38+0600
2022-02-23T10:40+0600
кыргызстан
садыр жапаров
президент
аскер
мекен
коргоо
майрам
куттуктоо
https://sputnik.kg/img/07e5/04/04/1051995767_0:0:2835:1595_1920x0_80_0_0_5136c7b3bcca2aa62cb054ae42ece97b.jpg
БИШКЕК, 23-фев. — Sputnik. Өлкө башчы Садыр Жапаров бүгүн, 23-февралда, кыргызстандыктарды Мекен коргоочулардын күнү менен куттуктады. Бул тууралуу президенттин маалымат кызматы кабарлады.Ал биринчи кезекте жоокерлерге, сержанттарга, офицерлерге, генералдарга жана Куралдуу күчтөрдүн ардагерлерине кайрылган.Өлкө башчы бул күнү жалпы кыргызстандыктар мекен коргоочулардын баатырдык эрдиктерин эскерип, эл-жеринин тынчтыгы үчүн жанын бергендердин жаркын элестерине башын ийип, таазим кылып, сый-урмат көрсөтөрүн белгилеген. Мындай мамиле менен жаңы өсүп келе жаткан жаш муундарга мекен коргоонун, башкача айтканда, бул датанын маани-маңызы, түпкү максаты айкын болорун айткан. Ошентип келечек ээлери мекен, атуулдук ариет, ата журт алдындагы милдет деген ыйык түшүнүктөрдүн барк-баасын билет.Жапаров эр-азаматтардан кем калышпай мекен коргоо милдетин сыймыктануу менен аткарып жүргөн аялзатынын мээнетин да баса белгилеген.Ал жалпы аскер кызматкерлерине мекен үчүн кызмат кылып жүрүшкөнүнө ыраазычылык билдирип, үй-бүлөлүк бакубат жашоо, бекем ден соолук, ийгиликтерди каалаган.
https://sputnik.kg/20220209/kyrgyzstan-dem-alysh-kundor-1061902775.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, президент, аскер, мекен, коргоо, майрам, куттуктоо
кыргызстан, садыр жапаров, президент, аскер, мекен, коргоо, майрам, куттуктоо
Ата конушту коргоо ары сыймыктуу, ары жоопкерчиликтүү. Президенттин куттуктоосу
10:38 23.02.2022 (Жаңыртылды: 10:40 23.02.2022) Садыр Жапаров дүйнө жүзү улам жаңы коркунучтарга туш болуп жаткан маалда аскерлер ар кандай кырдаалдарга жогорку деңгээлде даярдыкта болушу кажет экенин белгилеген.
БИШКЕК, 23-фев. — Sputnik. Өлкө башчы
Садыр Жапаров бүгүн, 23-февралда, кыргызстандыктарды Мекен коргоочулардын күнү менен куттуктады. Бул тууралуу президенттин маалымат кызматы кабарлады.
Ал биринчи кезекте жоокерлерге, сержанттарга, офицерлерге, генералдарга жана Куралдуу күчтөрдүн ардагерлерине кайрылган.
"Ар намыстын жана эрдиктин үлгүсү болуп, ата мекенге ак ниет кызмат кылгандарга ар жылы 23-февралда башыбызды ийип, таазим этебиз. Бул күн ата-бабаларыбыздын ата журтубузду көздүн карегиндей коргоп келишкендигин эске салып, мекенчилдик сезимибизди козгоп турат. Анткени туулган жерди — ата конушту коргоо ар бир кыргызстандыктын ары сыймыктуу, ары жоопкерчиликтүү атуулдук милдети", — деген Жапаров.
Өлкө башчы бул күнү жалпы кыргызстандыктар мекен коргоочулардын баатырдык эрдиктерин эскерип, эл-жеринин тынчтыгы үчүн жанын бергендердин жаркын элестерине башын ийип, таазим кылып, сый-урмат көрсөтөрүн белгилеген. Мындай мамиле менен жаңы өсүп келе жаткан жаш муундарга мекен коргоонун, башкача айтканда, бул датанын маани-маңызы, түпкү максаты айкын болорун айткан. Ошентип келечек ээлери мекен, атуулдук ариет, ата журт алдындагы милдет деген ыйык түшүнүктөрдүн барк-баасын билет.
"Урматтуу мекен коргоочулар! Дүйнө жүзү улам жаңы коркунучтарга туш болуп жаткан маалда сиздер ар кандай кырдаалдарга жогорку деңгээлде даярдыкта болушуңар кажет. Мындай шартта мамлекет Куралдуу күчтөрдүн согуштук жөндөмүн өркүндөтүп, коргонуу жөндөмдүүлүгүн арттыруу, күжүрмөн даярдыктын деңгээлин жакшыртуу аракеттерин тынымсыз көрүп жатат. Ошону менен бирге аскер кызматчыларынын социалдык маселелерин чечүүгө олуттуу көңүл бурулуп келет", — деген президент.
Жапаров эр-азаматтардан кем калышпай мекен коргоо милдетин сыймыктануу менен аткарып жүргөн аялзатынын мээнетин да баса белгилеген.
Ал жалпы аскер кызматкерлерине мекен үчүн кызмат кылып жүрүшкөнүнө ыраазычылык билдирип, үй-бүлөлүк бакубат жашоо, бекем ден соолук, ийгиликтерди каалаган.
