Открытие редакционного центра Sputnik Кыргызстан в Бишкеке - Sputnik Кыргызстан, 1920, 20.12.2021
Пресс-борбор

Фермер: илим өнүкмөйүн үрөн чарбаларга канча жер берсе дагы эч нерсе өзгөрбөйт

© Sputnik / Табылды КадырбековФермер жана агроном Болоткан Сыдыков
Фермер жана агроном Болоткан Сыдыков - Sputnik Кыргызстан, 1920, 18.02.2022
Жазылуу
Yandex newsTelegram
Фермердин айтымында, дыйкандар айыл чарба жаатындагы реформаларга эч качан каршы болбойт, бирок ар бир өзгөрүүгө жакшы даярдык болушу зарыл.
БИШКЕК, 18-фев. — Sputnik. Учурда дыйкан-фермерлер арасында кызуу талкууланып жаткан №309 токтомду ишке киргизүүдөн мурда илим жаатын өнүктүрүү зарыл. Ансыз ал токтомдон пайда чыкпайт. Мындай пикирин фермер жана агроном Болоткан Сыдыков билдирди.
Ал Sputnik Кыргызстандын маалымат борборунда өткөн №309 токтомду талкуулоо боюнча тегерек столго катышты.
Сыдыковдун айтымында, дыйкандар айыл чарба жаатындагы реформаларга эч качан каршы болбойт, бирок ар бир өзгөрүүгө жакшы даярдык болушу зарыл.
"№309 токтомдо көп нерсе ойлонулбастан, кам көрүлбөстөн жазылып калган. Мисалы, бүгүн үрөн чарбаларга жер берип койсо, эртеңден баштап алар дыйкандарды мыкты сапаттагы үрөн менен камсыздап салчудай айтылууда. Бул туура эмес. Жакшы үрөндү иштеп чыгып, өстүрүү үчүн илимпоздор керек. Окумуштуулар жок тармак өнүкпөйт. Аны Айыл чарба министрлиги билет", — деди адис.
Сыдыковдун айтымында, фермер, дыйкандар дал ушул нерсеге нааразы болууда.
Эске салсак, фермерлер министрлер кабинетине № 309 токтомду кайра карап чыгуу боюнча кайрылышкан. Ал документ мамлекеттик фондудагы 270 миң гектар айыл чарба жерлерин айыл чарба кооперативдерине, үрөнчүлүк жана асыл тукум чарбаларына мөөнөтсүз берүүнү карайт. Тагыраагы, анда айыл чарба продукциясын бирдиктүү массивде өндүрүү жана сатуу үчүн кооперативдер, үрөн жана асыл тукум чарбаларга мамлекеттик фонддогу жерлердин 75 пайызын бөлүп берүү каралган.
Жыйналган буудай. Архив - Sputnik Кыргызстан, 1920, 18.02.2022
Пресс-борбор
Селекционер чуулуу №309 токтом үрөн чарбаларына пайда алып келерин айтты
Жаңылыктар түрмөгү
0