Кыргызстандагы медициналык окуу жайларда канча чет элдик студент окуйт

© Sputnik / Виталий Аньков / Медиабанкка өтүүМедицина факультетинин студенттери сабак учурунда. Архив
Медицина факультетинин студенттери сабак учурунда. Архив - Sputnik Кыргызстан, 1920, 11.02.2022
Жазылуу
Муканова өлкөдө жаңы түзүлгөн медициналык окуу жайлардын көбү коммерциялык максатты көздөй турганын кошумчалаган. Башкача айтканда, бул — бизнес.
БИШКЕК, 11-фев. — Sputnik. Кыргызстанда жалпысынан 28 239 чет элдик студент медициналык билим алууда. Бул тууралуу Антикоррупциялык ишкердик кеңешинин башкы катчысы Нурипа Муканова Sputnik Кыргызстан агенттигинин маалымат борборунда өткөн брифингде билдирди.
© Sputnik / Табылды КадырбековАнтикоррупциялык ишкердик кеңешинин башкы катчысы Нурипа Муканова
Генеральный секретарь Антикоррупционного делового совета при президенте Нурипа Муканова - Sputnik Кыргызстан, 1920, 11.02.2022
Антикоррупциялык ишкердик кеңешинин башкы катчысы Нурипа Муканова
"Бул медицина багытында билим алгандардын 77 пайызын түзөт. КМШ мамлекеттеринен бизде 7 901 студент окуса, алыскы өлкөлөрдөн 20 388 адам билим алат", — деди Муканова.
Жалпысынан Кыргызстанда медицина адистиктери боюнча 22 ЖОЖ иштейт. Муканованын айтымында, 2017-жылга чейин өлкөдө медициналык окуу жай, медициналык факультеттен 7-8и эле бар болчу.
"Казакстанда 11 эле медициналык окуу жай болсо, Өзбекстанда андайдан жетөө эле. Ал эми Тажикстанда 2, Түркмөнстанда бирөө", — деген ал.
Муканова өлкөдө жаңы түзүлгөн медициналык окуу жайлардын көбү коммерциялык максатты көздөй турганын кошумчалаган. Башкача айтканда, бул — бизнес.
Эске салсак, былтыркы жылдын этегинде Антикоррупциялык ишкердик кеңеши жана Коопсуздук кеңеши тарабынан комиссия түзүлүп, ал медициналык ЖОЖдорду текшере баштаган.
Дарыгер. Архив - Sputnik Кыргызстан, 1920, 15.11.2020
Кыргызстанда кандай дарыгерлер даярдалат? Окутуучунун маеги
Жаңылыктар түрмөгү
0