Улуттук ишкана: Кыргызстандын бир дагы электр станциясында авария болгон жок

© Sputnik / Табылды КадырбековЭлектростанциянын кызматкери пульта турган учурда. Архив
Электростанциянын кызматкери пульта турган учурда. Архив - Sputnik Кыргызстан, 1920, 25.01.2022
Жазылуу
Бишкектин ТЭЦинде дагы эч кандай авария катталган эмес. Учурда жаралган кырдаалдан улам калыбына келтирүү иштери жүрүүдө.
БИШКЕК, 25-янв. — Sputnik. Кыргызстандын жылуулук жана гидроэлектр станцияларында авария болгон жок. Бул тууралуу Sputnik Кыргызстан агенттигине "Улуттук электр станциялары" ишканасынын маалымат кызматы кабарлады.
Ага ылайык, Бишкектин ТЭЦинде дагы эч кандай авария катталган эмес. Учурда калыбына келтирүү иштери жүрүүдө.

"Жылуулук тез тарап кетиши мүмкүн эмес. Балким насос станциялары үйлөрдүн үстүнкү кабатына жакшы жеткире албай жаткан чыгар. Мунун баары жакын арада калыбына келип калат", — дешти ишканадан.

Белгилей кетсек, бүгүн саат 11:00дөн кийин Кыргызстандын бир нече аймагында электр энергиясы өчүп калган. Көп өтпөй Өзбекстан менен Казакстандын дагы айрым аймактарында жарыктын өчкөнү айтылды.
Борбор калаада электр жарыгынын артынан суу да өчтү. "Бишкек суу канал" ишканасынын маалымат кызматынан билдиришкендей, электр жарыгы өчүрүлгөндүктөн насостук станциялар да иштебей калды.
Энергетика министрлигинин маалымат катчысы Жийде Зоотбекова электр жарыгы Борбор Азия боюнча өчкөнүн маалымдаган.
Учурдагы абал кандай экенин билүү үчүн Sputnik Кыргызстандын тексттик трансляциясын окуңуздар.
Кыргызстандын президентинин маалымат катчысы Эрбол Султанбаев. Архив - Sputnik Кыргызстан, 1920, 25.01.2022
Садыр Жапаровдун маалымат катчысы: кырдаал энергетиктердин көзөмөлүндө
 Бишкектин көчөлөрүнүн биринде жол тыгындарды инспекторлор жөнгө салып жатат - Sputnik Кыргызстан, 1920, 25.01.2022
Бишкекте жол чырактар иштебей, инспекторлор кыймылды жөнгө салууда. Видео
Жаңылыктар түрмөгү
0