Радиостудия Sputnik Кыргызстан в Бишкеке - Sputnik Кыргызстан, 1920
Радио

Эгембердиева: ден соолугу начар аял дени сак бала төрөй албайт

© Sputnik / Жоомарт УраимовРеспубликалык ден соолукту чыңдоо жана массалык коммуникация борборунун адиси Айжаркын Эгембердиева
Республикалык ден соолукту чыңдоо жана массалык коммуникация борборунун адиси Айжаркын Эгембердиева - Sputnik Кыргызстан, 1920, 15.01.2022
Жазылуу
Республикалык ден соолукту чыңдоо жана массалык коммуникация борборунун адиси Айжаркын Эгембердиева үй-бүлөнү пландаштырууда болочок ата-эне алгач өздөрүнүн ден соолугун чыңдап алышы керектигин айтты.
Үй-бүлөнү пландаштыруу – бул каалаган кош бойлуулук, баланын ортосундагы аралык, балалуу болуучу жуптардын даярдыгы, ден соолугу жана күтүүсүз кош бойлуулуктан сактануу эрежелерин камтыйт. Бул тууралуу Айжаркын Эгембердиева Sputnik Кыргызстан радиосунда маек куруп жатып билдирди.
Эгембердиева: ден соолугу начар аял дени сак бала төрөй албайт
Анын айтымында, түйүлдүк түйүлгөнгө чейин алты ай мурун тамеки чегүүдөн жана алкоголдук ичимдиктерден баш тартуу сунушталат.
"Ата-эненин ден соолугуна кайдыгер мамилеси тукумсуздуктун негизги себептеринин бири болуп саналат. Көп учурда толук дарыланбаган оорулар тукумсуздукка алып келет. Биз балалуу болууну пландаштыруунун алдында жыныстык жол менен жугуучу инфекцияларга анализ тапшыруудан баштап, бардык зарыл болгон текшерүүдөн өтүүнү айтып келебиз. Себеби бойго бүткөндөн кийин ар кандай дарыларды ичүүгө мүмкүнчүлүк болбойт. Ошентип энедеги оорулардан улам бала майып болуп төрөлүп калышы ыктымал. Мындан тышкары, сулуулукка карап эркектер жана өзгөчө кыздар жеңил кийинип, табарсык, бөйрөктөрүнө жана башка органдарына суук тийгизип алышат. Гормоналдык бузулууга алып келген эндокринологиялык ооруларга да маани берүү абзел. Мисалы, кыздарда тестостерон гормону көбөйүп кетсе, муруту өсүп, колу-буттары түктүү болуп, ал эми эркектерде кыздардын гормону көп болсо үнү ичкерип, төштөрү чоңоюп, курсагы чыгып баштайт. Мында сөзсүз түрдө эндокринологго кайрылуу зарыл. Себеби мунун баары тукумсуздукка алып келет", — деди Эгембердиева.
Адис ар бир экинчи аялда цистит оорусу кездешерин белгилеп, өз учурунда дарыгерге кайрылып дарылануу керектигин эскертти.
Подкасттын толук вариантын төмөнкү видеодон көрүңүз:
Жаңылыктар түрмөгү
0
Алгач жаңыларыАлгач эскилери
loader