Өлүмгө кептейт! Медиктер антибиотикти өз алдынча колдонбош керектигин эскертти

© Sputnik / Евгений БиятовДары-дармектерди көрсөтүп жаткан лаборатория кызматкери. Архив
Дары-дармектерди көрсөтүп жаткан лаборатория кызматкери. Архив - Sputnik Кыргызстан, 1920, 14.01.2022
Жазылуу
Дарыгер жазып берген антибиотиктин дозасын өз алдынча алмаштырууга, жазылган дарыны башка адамдарга берүүгө болбой турганы да белгиленди.
БИШКЕК, 14-янв. — Sputnik. Республикалык штаб калкты дарыгердин көрсөтмөсү жок, антибиотиктерди өз алдынча колдонбоого чакырып, анын кесепетин тизмектеп берди.
Билдирмеге караганда, антибиотиктер медиктин рецепти менен гана сатылары эскертилген.
Антибиотиктердин кесепети:
Аллергиялык реакция жүрүп, өмүргө коркунуч туудурушу мүмкүн. Айрым учурда өлүмгө чейин алып барат. Анафилактикалык шок, Квинкенин шишиги бир таблетка ичкенден кийин да пайда болушу мүмкүн;
Ичеги микрофлорасы бузулат;
Бактериялардын туруктуу штаммдары көбөйүп, тарайт.
"Эч качан өз алдынча дарыланбай, медиктердин уруксаты жок антибиотиктерди колдонбоңуз. Вирустук инфекцияларды дарылоо үчүн антибиотиктерди ичкен туура эмес, анткени ал вируска таасир этпейт. Эгер дарыгер антибиотик жазып бере турган болсо, айыгып баратканда аны токтотуп салбастан дарылоо курсун толук бүтүрүү керек", — деп жазылат маалыматта.
Ошондой эле дарыгер жазып берген антибиотиктин дозасын өз алдынча алмаштырууга, жазылган антибиотикти башка адамдарга берүүгө болбой турганы да белгиленди.
Телефонго жооп берип жаткан адам. Архив - Sputnik Кыргызстан, 1920, 14.01.2022
Оору көбөйүп, 118 кызматынын иши күчөтүлмөй болду
Жаңылыктар түрмөгү
0