Радиостудия Sputnik Кыргызстан в Бишкеке - Sputnik Кыргызстан, 1920
Радио

Бекболотов: жумушту эркектики же аялдыкы деп бөлүү туура эмес

© Sputnik / Табылды КадырбековЧач стилисти Тилек Бекболотов
Чач стилисти Тилек Бекболотов - Sputnik Кыргызстан, 1920, 12.01.2022
Жазылуу
Чач стилисти Тилек Бекболотов жумушту эркектики же аялдыкы деп бөлүү туура эместигин айтты.
Башында кесибимди көп эле тууган, тааныштар колдогон эмес. Алматыдан биринчи миллионду иштеп тапканда өзүмө ишенип, ошондо жумуш эркек-аялдыкы деп бөлүнбөсүн түшүндүм. Мындай пикирин Тилек Бекболотов Sputnik Кыргызстан радиосунда маек куруп жатып билдирди.
Бекболотов: жумушту эркектики же аялдыкы деп бөлүү туура эмес
Анын айтымында, биринчи жолу чач жасалгасын тойго жөнөп жаткан апасына жасап берип, анын курбуларынын мыкты деген баалоосун алган.
"Орто мектепте окуп жүргөн учурда журналист болом дечү экенмин. Мектепти аяктагандан кийин Кара-Балтада эки айдай чач кыркууну үйрөндүм. Иштеп, кардарлар көбөйө берди. Туура кыркып жатамбы, туура эмеспи, өзүм деле билчү эмесмин. Ошол жакта Наргиза деген кыз менен чогуу иштечүмүн. Ал кеткенден кийин социалдык тармактан жазышып калсак, Алматыга кеткенин айтып чакырып калды. Ал жакка барып өз ишин мыкты билгендерден чач тарач кесибин терең үйрөнгүм келди. Семинарларга калтырбай катышып жаттым. Ага каражатты кантип тапчумун деп азыр ойлонуп калам. Бир учурда окуп да, иштеп да жаттым, кыйналган күндөр да болду. Ишим турукташып калганда үйдү ремонттоого ата-энеме үч миң доллар жөнөтсөм, алар "бул каяктагы акча?" деп таң калышкан. 2010-жылы Алматыда алгачкы жолу бир миллион сом иштеп тапкам. 2013-жылы Алматыдан "Стиль академиясы" деген журналдын Бишкектеги өкүлү болуп дайындалып, борборго келдим. Анда азыркыдай социалдык тармактар жок, жасаган ишибизди журналдарга чыгарып өзүбүздү таанытчубуз. Шоу-бизнес өкүлдөрү менен таанышып, алар менен иштешип, жаңычылдык киргизип, өзгөчө образдарды алып чыктым. Чоң-чоң долбоорлордо чачтарды жасалгалап өзүмдү тааныштырып жүрдүм. Кызматташуу аркылуу чыгармачыл чөйрөдөгү адамдар менен мамиле түзүлүп калды. Башында менин кесибимди түшүнгөн, колдогондор аз болду. Чач тарач, ашпозчулук аялдарга гана тиешелүү деген түшүнүк туура эмес. Ар кандай оор сыноолордон өтүп, эмгек менен ушул деңгээлге жеткенден кийин башка бирөөнүн оюн кабыл албай деле каласың. Бирөөлөрдүн кол алдында иштедим. Болбойт экен деп акыры өзүмдүн студиямды, окуу борборун ачтым. Мен азыр иштеп жатам деп айта албайм. Бул ишимден эс алам. Жумуштун арты менен эл-жер көрүп, Россия, Казакстандан баштап, тээ Японияга чейин бардым. Түркиянын ар кайсы шаарларына барып мастер-класстарды өтүп турам. Чет өлкөдө бизди баалашат", — деди Бекболотов.
Ал стилистиканы предмет катары 10-класстан баштап окутуу идеясын билим берүү тармагына сунуштай турганын кошумчалады.
Подкасттын толук вариантын төмөнкү видеодон көрүңүз:
Жаңылыктар түрмөгү
0